web counter
LEXO PA REKLAMA!

SHKARKO APP

App Store
Google Play

E fundit!

x

Virusi i ri Nipah nga India/ MSH: Aktualisht asnjë rast i konfirmuar në Shqipëri

30 Janar 2026, 20:14, Sociale CNA

Virusi i ri Nipah nga India/ MSH: Aktualisht asnjë rast i konfirmuar

Muaji janar ka shënuar një rritje të ndjeshme të fluksit të pacientëve në Shërbimin Infektiv, kryesisht me simptoma të gjendjes gripale.

Mjekja infeksioniste, Migena Qato, përmes disa këshillave të ndara nga Ministria e Shëndetësisë në një postim në rrjetet sociale, sugjeron rritje të kujdesit personal dhe vaksinimit si masa thelbësore për parandalimin e komplikacioneve.

Në lidhje me virusin e ri që po qarkullon në Indi, Qato bën me dije se aktualisht nuk ka asnjë rast të konfirmuar në vendin tonë, duke theksuar se Shërbimi Infektiv ndodhet në gatishmëri të plotë për përballimin e çdo situate të mundshme.

"Virozat edhe gripi tani janë kryefjala e diagnozave infektive që pranohen në shërbimin infektiv aktualisht. Në çdo shërbim 24-orësh të tonin, e pakta e rasteve të paraqitura në ditët tona më të mira janë diku tek 100 raste. Rastet paraqiten me simptomatika të ndryshme, grupmoshat janë gjithashtu të ndryshme, po themi mbi moshat 14 vjeç deri tek moshat e treta, të cilat sigurisht janë dhe moshat që për ne përbëjnë një preokupim të veçantë për sa i përket sëmundjeve bashkëshoqëruese dhe komplikacioneve tek këto mosha të cilat shpeshherë mund të rezultojnë të jenë edhe fatale për jetën e tyre.

Edhe simptomatika me të cilat paraqitet është e ndryshme, duke filluar që nga simptomat më të lehta, të cilat paraqiten me temperaturë, me dhimbje të lehta muskulare, simptoma që mund të themi që nuk e invalidizojnë pacientin dhe ta detyrojnë të qëndrojë në shtrat dhe që absolutisht janë subjekte që mund të trajtohen me mjekim simptomatik në kushte shtëpie. Pastaj vijnë ato simptoma të cilat janë më shqetësuese, këto që unë përmenda pak më sipër por që janë në intensitet shumë të fortë dhe që shoqërohen edhe me komplikacione siç janë bronkopneumonitë, që në këto momente janë shqetësimi ynë kryesor. Janë pacientë që absolutisht kërkojnë një kujdes të veçantë, janë pacientë që shpeshherë kërkojnë hospitalizim, pavarësisht grupmoshave të tyre, nga grupmoshat e reja deri tek grupmoshat e treta dhe që duan një, sikurse e thashë, kujdes të veçantë duke tentuar që të paraprijmë komplikacionet e mëtejshme të tyre.

Ka subjekte që paraqiten më shumë se një herë pranë urgjencës duke tentuar fillimisht të marrin mjekim ambulator dhe pastaj rikthehen sepse shohin që nuk ka pasur rezultatin që kemi dashur ne të kemë. Dikush tek 30-40% e tyre janë raste të cilat tërheqin që në momentin e parë vëmendjen për hospitalizim. Shtrimet prevalojnë tek moshat e treta, po dhe grupmoshat mbi 50 vjeç, janë mosha të cilat na detyrojnë t’i shikojmë njëçikë më nga afër situatën e tyre për shkak të komplikacioneve që mund të jenë të mundshme. Janë probabile aty për shkak edhe të patologjive bashkëshoqëruese të cilat realisht e rëndojnë gjendjen e tyre klinike.

Jepet ndihma e parë gjatë qëndrimit në spital, shikojmë atë fazën që qëndrojnë larg komplikacioneve dhe pastaj dehospitalizojmë për ta vazhduar terapinë në kushte ambulatore. Përgjithësisht po themi që diku tek 30-40% e rasteve që paraqiten në urgjencë janë absolutisht kandidatë për hospitalizim. Numri i njerëzve që tentojnë mjekime në shtëpi me iniciativën e tyre pa u paraqitur tek mjeku i familjes ose tek ne, sa vjen dhe po zvogëlohet dhe kjo është diçka për t’u duartrokitur vërtet. Mbetet një virus që nuk ndryshon në aspektin klinik sa i përket pjesës së gripit, për këtë duhet të jemi të qetë. Ndoshta agresiviteti në grupmosha të caktuara spikat në mënyrë të veçantë. Asnjëherë do të thoja unë nuk është vendi për të bërë panik pa e provuar këtë gjë të paktën në rajon. Rastet e gripit në fjalë neve nuk i kemi konstatuar ende. Nëse do të vijë, do të jemi gati.

Pyetja e parë që ne bëjmë sa herë që shikojmë një pacient është pyetja nëse janë vaksinuar dhe ajo që të bie në sy është që pacientët e vaksinuar ose nuk paraqiten fare pranë urgjencave tona, e kalojnë në kushte ambulatore vetë gripin, ose paraqiten me simptoma të lehta. Dhe ky është fakt. Absolutisht që vaksinimi është një indikacion i joni që nuk do të rreshtë asnjëherë",-u shpreh mjekja./CNA 

 

 

 





Lajmet e fundit nga