web counter
LEXO PA REKLAMA!

SHKARKO APP

App Store
Google Play

E fundit!

x

“U bëtë gazi i botës”/ Përplasje Qori-Lapaj: Ke hapur lokal në shesh, kështu do ta rrëzosh Ramën?

9 Janar 2026, 11:19, Politikë CNA

“U bëtë gazi i botës”/ Përplasje Qori-Lapaj: Ke

Një dalje televizive e përbashkët e kreut të Lëvizjes “Bashkë”, Arlind Qori dhe kreut të Lëvizjes “Shqipëria Bëhet”, Adriatik Lapaj, nuk ka kaluar pa përplasje verbale.

Të ftuar në emisionin “Të paekspozuarit”, Qori dhe Lapaj kanë shprehur pikëpamjet e tyre lidhur me qëndrimet ndaj qeverisë dhe kryeministrit Edi Rama.

Qori akuzoi Lapajn se po zhvillon një nismë të dështuar me vendqëndrimet para Kryeministrisë dhe se përmes kësaj mënyre qesharake nuk e rrëzon dot Ramën.

Nga ana tjetër, Lapaj e ftoi Qorin që t’i bashkohet sheshit, pasi sipas tij për rrëzimin social nevojitet kohezion social.

Arlind Qori: Na kërkohet të bashkohemi me parti të tjera. Kam thënë që partitë e tjera nuk kanë ndershmërinë dhe nivelin e seriozitetit tonë. Fatmirësisht nuk e bëmë gabimin të bashkoheshim me ta, sepse do të bëheshim gazi i botës me tezen apo me dajën që lufton për mandat. Të gjitha partitë e tjera përveç Lëvizjes Bashkë janë në koalicion me Sali Berishën për zgjedhjet e Tiranës. Çdo parti ka lirinë dhe të drejtën të bëjë çdo aksion që ka qejf, çdo lloj proteste që dëshiron. Ne qëndrojmë larg këtyre aventurave. Ata janë aktivistë. A e di kush është deputeti i Lëvizja Bashkë? E njohin të gjithë për mirë. Deputeten tuaj nuk e njeh njeri. Ju u tallët me popullin. Si pretendoni që pasi u bëtë gazi i botës të tërhiqni edhe të tjerët. Ti ke hapur lokal në shesh. Si e heq ti Ramën, duke u bërë qesharak? Duke zënë atë vend? Ju jeni në koalicion me njëri-tjetrin, nuk ju ndjek njeri, nuk keni reputacion.

Adriatik Lapaj: Në lidhje me tryezën e zotit Berisha, jemi në shesh po protestojmë prej 32 ditësh pa ndërprerje. Në këtë kuptim, nuk është normale të ulemi sallave të konferencave të diskutojmë në lidhje me protestat. Protesta është këtu, sheshi është i hapur për të gjithë.
Kemi thënë ka një kohë për partinë dhe ka një kohë për Shqipërinë. Asnjë nga ne veç e veç, në këtë moment që ndodhet vendi nuk e mund dot Edi Ramën. Ai ka një sistem monstruoz të projeksionimit të votës, është “monstër politike”, që prodhon rezultat në disfavor të ndryshimit dhe Shqipërisë. Nuk do të shkojmë në atë tryezë, pasi ajo ka logo partie. Po të qe për tryeza partie, e shtroja unë një dhe i ftoja të gjithë. Po ndenjëm brenda gardheve nuk krijohet dot kohezioni social për të detyruar Ramën të ikë. Kjo qasje i shërben Edi Ramës. Bashkohu në shesh kundër Edi Ramës! Të gjithë bashkë të rrëzojmë Ramën! Nuk ka nevojë Shqipëria për dënglat e tua dhe të miat, por ka nevojë të ikë Rama sot, jo nesër! Të kam kursyer kaq kohë. Bashkohu në shesh kundër Edi Ramës. Ti dhe gjithë të tjerët. Bashkohuni kundër Ramës, lëri tezet dhe dajat. Bashkohu kundër Ramës dhe pastaj futu në zgjedhje. Mos më bridh nëpër Tiranë, bashkohu kundër Edi Ramës, që drejton regjimin. Kleptokracinë e drejton Edi Rama./CNA

 





Lajmet e fundit nga