“Ne nuk tërhiqemi pa larguar kryehajdutin”/ Zbulohet data, protesta e radhës kundër pronarit të “5D”

19 Prill 2024, 15:49, Politikë CNA

“Ne nuk tërhiqemi pa larguar kryehajdutin”/ Zbulohet data,

Erion Veliaj

“Ne nuk tërhiqemi pa larguar nga zyra kryebashkiakun dhe kryehajdutin e Tiranës”

Ky është synimi dhe qëllimi i opozitës për të çliruar kryeqytetin e kapur nga drejtorët hajdutë të kryebashkiakut Erion Veliaj, përmes tenderëve dhe aferave që u kushtojnë takspaguesve shqiptarë miliona euro.

Drejtuesi politik i PD-së për Tiranën, Belind Këlliçi evidenton faktin që korrupsioni që ka mbjellur Veliaj me drejtorët hajdutë e kanë kthyer Tiranën në një qytet të vjedhur, pa teatër, pa galeri, pa bibliotekë, pa cirk, pa mjedise argëtimi dhe edukimi, pa parqe, pa hapësira publike, me shkolla me dy turne, pa çerdhe, me trafikun më të rënduar në Europë dhe me ajrin më të ndotur në botë.

Këlliçi thekson se të gjithë këto nuk i meriton asnjë qytetar i Tiranës.

Korrupsioni i Veliajt po djeg çdo ditë ëndrrat e të rinjve dhe shpresën e kryeqytetasve për të jetuar në një metropol europian.

Për këto arsye dhe më shumë opozita i bën thirrje çdo qytetari që të bashkohet në protestën e radhës që do të zhvillohet në 26 Prill në orën 11:00.

“Korrupsioni i Erion Veliajt, djeg çdo ditë ëndrrat e të rinjve dhe shpresën e kryeqytetasve për të jetuar në një metropol Europian.

Tirana sot është një qytet i vjedhur, pa teatër, pa galeri, pa bibliotekë, pa cirk, pa mjedise argëtimi dhe edukimi, pa parqe, pa hapësira publike, me shkolla me 2 turne, pa çerdhe, me trafikun më të rënduar në Europë dhe me ajrin më të ndotur në botë.

Ketë realitet, nuk e meriton asnjë qytetar i Tiranës, pa asnjë dallim politik.

Ndaj për këto arsye, e shumë të tjera, ftojmë sërish qytetarët e Tiranës, javën tjetër, në protestën e radhës, e premte, datë 26 prill, ora 11:00, përpara zyrës së pronarit faktik të inceneratorit Tiranë dhe 5D, Erion Veliaj.

Ne nuk tërhiqemi pa larguar nga zyra kryebashkiakun dhe kryehajdutin e Tiranës.

O sot, o kurrë”, shkruan Këlliçi.

Aleanca për Mbrojtjen e Teatrit në bashkëpunim me opozitën po organizojnë protesta para Bashkisë.

E sotmja ishte protesta e tretë para Bashkisë Tiranë, e cila që nga nisja ka një qëllim largimin e Veliajt nga Bashkia dhe përballjen e tij me drejtësinë.

Qytetarët e kanë treguar zemërimin e tyre përballë skemës së vjedhjes së drejtorëve të Veliajt të cilët ndodhen pas hekurave ndërsa të tjerë pritet të arrestohen dhe janë nën hetim nga SPAK-u.

Protestat nuk do të ndalin, e radhës do të jetë në 26 Prill 2024 në orën 11:00./ CNA