web counter
LEXO PA REKLAMA!

SHKARKO APP

App Store
Google Play

E fundit!

x

Çmimi i ri i energjisë/ Balluku: Masa konkrete për një faturim sa më të saktë

3 Mars 2025, 16:39, Politikë CNA

Çmimi i ri i energjisë/ Balluku: Masa konkrete për një

Zëvendëskryeministrja njëherësh dhe ministre e Infrastrukturës dhe Energjisë, Belinda Balluku ka inspektuar sot një pjesë të punës që po bëhet nga lexuesit e matësit të energjisë.

Balluku tha se matja e energjisë duhet bërë brenda 8 ditëve, me një afat kaelndarik 30 ditë. Ministrja deklaroi se ulja e çmimit të energjisë u bë me qëllim sensibilizmin e qytetarëve për kursimin e saj.

 

“Ky është muaji i parë që ne do të aplikojmë çmimin, por nga ana tjetër e gjithë procedura është e dizenjuar nga fillimi deri në fund që të jetë transparente. Bazuar në një urdhër të administratorit të përgjithshëm të kompanisë, të OSHEE-së, matja duhet bërë brenda 8 ditëve dhe matja është nga 30 ditë në 30 ditë. Pra nuk do të kalojnë 30 ditëshi, duke e bërë kështu të pakontestueshme mënyrën e matjes dhe saktësinë e saj.

Arsyeja pse ne vendosëm që të aplikonim një çmim më të ulët sipas kategorive të konsumit, 8.5 lekë për konsumin nga 0 deri në 700 kilovat/orë është sepse kërkojmë që të sensibilizojmë të gjithë popullatën, të gjithë familjarët të cilët përfitojnë nga kjo paketë mbi 1 milionë abonentë, që energjia është një mall shumë i rëndësishëm, i cili edhe duhet kursyer. Patjetër përdorimi i tij është i domosdoshëm në jetën e përditshme, por kursimi është akoma më i rëndësishëm për shkak edhe të të gjitha kushteve që ne kemi, hidrocentraleve, varësisë nga moti”, tha Balluku.

 

Kujtojmë që në muajin shkurt u aplikua çmimi i ulur i energjisë i ndarë në dy kategori.

Më konkretisht  8.5 lekë për kilovat për abonentët që konsumojnë deri në 700 kilovatorë dhe 9.5 lekë për të gjithë ata që e kalojnë këtë shifër./ CNA





Lajmet e fundit nga