web counter
LEXO PA REKLAMA!

SHKARKO APP

App Store
Google Play

E fundit!

x

“Çmimet në stratosferë, kombi drejt zhdukjes”/ Berisha: Rama ka çdo pushtet në duart e tij

9 Janar 2026, 11:41, Politikë CNA

“Çmimet në stratosferë, kombi drejt zhdukjes”/

Kryetari i Partisë Demokratike, Sali Berisha, u ndal sot gjerësisht në disa problematika të kohëve të fundit në vend, teksa mbajti fjalën e tij në tryezën me opozitarët.

Në fjalën e tij, Berisha renditi inflacionin, rënien e euros, uljen e lindshmërisë dhe punët jo të mira në investimet publike ndër çështjet më shqetësuese.

Berisha hodhi akuza ndaj kryeministrit Edi Rama si përgjegjës ndaj situatës në vend, përmes përqëndrimit të pushtetit

“Çmimet janë stratosferike. Ndërtimet nuk kanë të ndalur. Imagjinoni ku po shkon vendi ynë. Rama ka detyruar mbi 40% të largohen nga Shqipëria në 12 vite. E tha bukur një pensionist se ky (Rama) e shkatërroi euron. Pa llogaritur këtu ndërmarrjet e eksportit që punojnë me euro. Ato falimentuan dhe u nisën drejt Europës për një kafshatë. Me mijëra punëtorë e intelektualë.

Treguesi i lindshmërisë është më i ulëti i rajonit. Kemi rënien më të madhe të popullatës. Prej vitit 2018, vdekshmëria është më e lartë se lindshmëria. Kombi është në rrugën e zhdukjes.

Rama ka përqendruar çdo pushtet në duart e tij. Nga 67 miliardë euro taksa, po të zbresim 8 miliardë euro rroga në 12 vite, pjesa tjetër është vjedhur dhe shpërdoruar në masën 80%. Mjafton t’u hidhni një sy: Të gjitha punët e tyre publike shemben, sikur janë prej kartoni dhe jo prej betoni. Këto janë ato që duken”,-tha Berisha./CNA

 





Lajmet e fundit nga