web counter
LEXO PA REKLAMA!

SHKARKO APP

App Store
Google Play

E fundit!

x

Meta “rreh gjoksin”/ S’ka asgjë që më kthen pas, i kam vënë vijë të kuqe të gjithëve

10 Mars 2023, 20:43, Politikë CNA
Meta “rreh gjoksin”/ S’ka asgjë që më kthen
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka “rrahur gjoksin” dhe ka folur me tone të forta për pjesëmarrjen në zgjedhjet e 14 majit.

Meta ka publikuar në rrjetet sociale një video, ku deklaron se i ka vendosur të gjithëve vijën e kuqe. Ai shprehet se nuk ka asgjë që e kthen pas atë dhe Partinë e Lirisë.

“Ilir Meta ka vendosur një vijë të kuqe me të gjithë: Nuk ka asgjë që e kthen pas, Partinë e Lirisë në radhë të parë, por besoj edhe të gjithë opozitën e vërtetë nga 14 Maji. Iku koha kur Edi Rama bënte zgjedhje pa opozitën sepse blinte lidershipin e saj. Iku koha kur Edi Rama e trukonte rezultatin e ndeshjes, siç e kishte trukuar ndeshjen e 25 Prillit prej kohësh. Tani beteja është e vërtetë dhe tani drejt 14 Majit, gjithë Partia e Lirisë, gjithë opozitarët e vërtetë. Dhe do të jemi aty, jo vetëm për të hedhur votën, por derisa të numërohet vota e fundit, edhe të festojmë rikthimin e demokracisë, të llogaridhënies dhe të pluralizmit politik në nivel vendor, por edhe kombëtar”, thekson kreu i PL-së./ CNA.al





Lajmet e fundit nga