web counter
LEXO PA REKLAMA!

SHKARKO APP

App Store
Google Play

Adriatik Lapaj prezanton lëvizjen e re politike "Shqipëria bëhet"/ Pikat kryesore të programit

18 Shtator 2023, 19:52, Politikë CNA

Adriatik Lapaj prezanton lëvizjen e re politike "Shqipëria

Adriatik Lapaj prezantoi zyrtarisht pasditen e kësaj të hëne, lëvizjen më të re politike "Shqipëria bëhet".

Lapaj zbuloi pikat e kësaj lëvizje, të cilat janë reformimi i sistemit zgjedhor, miratimi i ligjit "Për referendumet", miratimi i votës së emigrantëve dhe depolitizimi i administratës zgjedhore në të gjitha nivelet.

Ai tha se shoqëria jonë ka nevojë të shkëputet nga koncepti i mikut dhe i partisë, ndërsa theksoi se duhet të sundojë ligji dhe të hapet gara politike.

"Për të siguruar rregullat na duhet shoqëria. Na duhet të shkëpusim shoqërinë nga koncepti i mikut, partisë, etj. Të drejtën e studimit duhet ta japë ligji, vendin e punës duhet të fitosh në bazë të ligjit. Kujdesin shëndetësor duhet ta kesh në bazë të ligjit. Rimbursimet duhet të sigurohen nga ligji.

Duhet të shembim sistemin e kapjes së ekonomisë së shtetit nga pak duar. Kujtoj këtu ligjin për koncesionet, ligjin për PPP. Duhet të rishpërndajmë pasurinë e vendit përmes një kuadri të ri ligjor. Për të arritur këtu, duhet të shkojmë aty ku ka burimin problemi.

Duhet të hapim garën politike. Nëse s’ka garë politike, s’mund të ketë asnjë garë tjetër në vend. Populli sot është dekor i një republike që komandohet nga kolltukët e Tiranës. Duhet të miratojmë ligjin për referendumet dhe të sjellim demokracinë e drejtpërdrejtë. Nuk ka rrugë tjetër përveç bashkimit.

Askush nga ne nuk ka fuqi të mbinatyrshme. Qytetarët shqiptarë, nëse bashkohemi ne mund t’ia dalim. Askush të mos presë të dërguarin e Zotit të shpëtojë jetët tona. Duhet organizim për qëllimin tonë", nënvizoi Adriatik Lapaj./ CNA





Lajmet e fundit nga