web counter
LEXO PA REKLAMA!

SHKARKO APP

App Store
Google Play

Vuante nga sëmundja e rrallë e muskujve/ Ndahet nga jeta ylli i "Grey's Anatomy"

20 Shkurt 2026, 08:47, Lifestyle CNA

Vuante nga sëmundja e rrallë e muskujve/ Ndahet nga jeta ylli i

Eric Dane, aktori i njohur, më së shumti për rolet e tij në serialet “Grey's Anatomy” dhe “Euphoria”, është ndarë nga jeta në moshën 53-vjeçare. Prej më pak se një viti Dane kishte zbuluar se vuante nga skleroza laterale amiotrofike (ALS).

Dane luajti rolin e patriarkut të familjes Cal Jacobs në serialin e famshëm për adoleshentë të HBO-së, “Euphoria”. Përpara kësaj, ai ishte ndoshta më i njohur si Dr. Mark Sloan, në dramën mjekësore "Grey's Anatomy".

Lajmin për ndarjen e tij nga jeta e njoftoi vetë familja e 53-vjeçarit. Ai ishte i martuar me aktoren dhe modelen Rebecca Gayheart, me të cilën pati dy fëmijë.

"Me zemër të thyer, ju njoftojmë se Eric Dane ndërroi jetë të enjten pasdite pas një beteje të guximshme me ALS-në. Ai do të na mungojë shumë dhe do të kujtohet gjithmonë me dashuri. Eriku i adhuronte fansat e tij dhe është përgjithmonë mirënjohës për dashurinë dhe mbështetjen që ka marrë", thuhet në një deklaratë nga familja e tij.

Dane luajti gjithashtu rolin e Jason Dean në serialin dramatik fantastik “Charmed” dhe të Kapiten Tom Chandler në serialin dramatik aksion “The Last Ship”, ndërsa u shfaq në filma të tillë si “Marley & Me”, “Valentine's Day” dhe “Burlesque”.

ALS, e njohur edhe si sëmundja e Lou Gehrig, është një sëmundje e rrallë që shkakton paralizë progresive të muskujve.  Ndikon në qelizat nervore në tru dhe shpinë që kontrollojnë lëvizjen e muskujve, duke bërë që pacientët të humbasin ngadalë aftësinë e tyre për të folur, ngrënë, ecur dhe marrë frymë në mënyrë të pavarur. /CNA





Lajmet e fundit nga