web counter
LEXO PA REKLAMA!

SHKARKO APP

App Store
Google Play

E fundit!

x

Rrëfehet Megi Pojani/ Më ngacmoi seksualisht një pronar televizioni, ishte i pështirë

23 Mars 2024, 17:10, Lifestyle CNA
Rrëfehet Megi Pojani/ Më ngacmoi seksualisht një pronar
Moderatorja Megi Pojani

Moderatorja Megi Pojani denoncoi së fundmi ngacmimin seksual me një pronar televizioni në Shqipëri.

Megi tregoi në një dalje të saj televizive se kishte shkruar për një intervistë në një televizion dhe pronari insistonte që të konsumonin një darkë së bashku.

Ajo rrëfeu se biznesmenin e takoi për drekë, por theksoi se ai gjithmonë i shmangej bisedave për punë, i kërkonte vazhdimisht që të shkonin për darkë dhe bënte mimika të pështira.

Moderatorja tha se për ta shmangur iu desh ta gënjente, ndërsa deklaroi se edhe pasi kishin përfunduar takimin, ai i shkruante sërish.

“Para pak kohësh kam bërë një intervistë në një televizion tjetër dhe më shkruan në IG pronari i televizionit, emër shumë i njohur. Unë akoma e ndjej sikur jam 15 vjeç dhe më duhet t’i respektoj dhe të jem e sjellshme ndaj një personi që ka ndërtuar disa gjëra.

Më shkruan dhe më thotë se stafi të do shumë, intervista ishte shumë e bukur, do doja të të takoja. I thash faleminderit dhe kaq. Për një muaj ai më shkruante çdo ditë dhe më kërkonte që të takoheshim.

Në asnjë moment nuk mendova se po më ngacmonte. Ajo që po më bezdiste ishte që më kërkonte darkë, sepse unë darkat në një takim pune, mbi të gjitha me një burrë, nuk i preferoj. Mes rreshtash shkruante herë pas here për punë. Nuk kisha diçka në dorë dhe thash pse mos ta takosh dhe ta humbësh si mundësi, dhe i them ta takoj për drekë. Ishte takimi më i çuditshëm që kisha pasur në jetë. Ai më fliste vetëm për pushtetin e tij, sa para bënte te ky projekt, sa gjeneronte tek kjo gjë. Në një moment nuk po kontrollohej më. Ai po bënte premtime të jashtëzakonshme dhe ishte ofertë shumë tunduese.

Përsa kohë flisja për punë ai tentonte të largohej nga puna. Ishim në drekë e më thoshte a dalim për darkë. Gjatë takimit ai më pyeste nëse do dilnim për darkë atë natë dhe unë për ta hequr qafe i thash që do shkoja në Korçë me shoqet e mia. E gënjeva se po më ngjitej shumë.  

Pasi mbaruan drekën, ai ishte shumë i pështirë me mimikat që bënte dhe ishte shumë tendencioz, dhe kur u largova nga restoranti, ai më shkruan një hartim në telefon si adoleshent ku më tregonte sa mirë kishte kaluar me mua dhe që donte të më takonte prapë. Se ishim kënaqur bashkë. Dreka më mjaftoi të kuptoja qëllimin. Nuk i ktheva përgjigje. Më shkroi sërish në 12:00 të darkës. Megi, a je në Korçë? Po!  Ai më tha sa inat më vjen do të doja që ishim bashkë për darkë. Mjafton të më thuash hajde, e unë do vij!”, theksoi Megi Pojani./ CNA





Lajmet e fundit nga