E fundit!

10:15 Aktualitet

VIDEO-Protestë nga burgu i Pojskës/ E burgosura: Rama jep dorëheqjen

Një e burgosur në burgun e Pojskës është filmuar nga drita...

Nga ndryshimet tek emrat pretendentë që pritet të shkojnë në "Eurosong"/ Të rejat nga Festivali i RTSH

22 Tetor 2022, 12:50, Lifestyle CNA

Nga ndryshimet tek emrat pretendentë që pritet të shkojnë

Prej disa kohësh rrjeti po “zien” lidhur me lajmet që po qarkullojnë për Festivalin e RTSH. Kjo për shkak se edhe dy muaj na ndajnë nga ky event, e po ashtu kanë nisur të përfliten emrat që do të marrin pjesë.

Mediat kanë raportuar se Arbana Osmani do të jetë moderatorja e Festivalit të RTSH. Po ashtu thuhet se Arbana do të ketë suportin e bashkëshortit të saj Eduart Grishaj, e cili do të jetë regjisor i festivalit, ndërkohë që burimet bëjnë me dije se Arbanës i ka ardhur ftesa nga drejtori i RTSH, Enkel Joti.

Sa i takon kunkurentëve pjesëmarrës, mësohet se njëlloj si vitet e shkuara, Evi Reçi do të jetë pjesë e festivalit, ku do të tentojë fitoren.

Kryefjala. Com zbulon se “Urban Band” do të jetë pjesë e festivalit me një vokalist të ri si Endrik Beba, paraqitet me një krijim të rokerit Eugent Bushpepa, zbulonte “Kryefjala”.

Do të shohim në skenë grupin “Produkt 28”, por pa Fabian Bashën, i cili do të vijë si konkrent më vete, por kantautori Alban Kondi do të sjellë një duet me këngëtaren e re Loré, artiste e re që menaxhohet nga vetë ai.

Sakaq pritet edhe një pjesëmarrje e këngëtares Fifi, e cila pritet të jetë edhe pretende për për çmimin e madh. Po ashtu është përfolur edhe për këngëtarin Ylli Limani, por ka qënë vetë ai, që ka mohuar lajmin, duke njoftuar se nuk do të jetë pjesë e festivalit të RTSH. Deklaratën ai e ka bërë në rrjetet sociale, ku ka etiketuar Arbana Osmanin, duke lënë kështu të kuptohet se ajo do të jetë moderatorja.

Elvana Gjata, ka qënë gjithashtu një emër i lakuar nga mediat për pjesëmarrjen e saj në Festivalin e RTSH, por njëlloj si Ylli, edhe Elvana ka mohuar pjesëmarrjen e saj në këtë event.

Këngëtarja Olimpia Smajlaj, ka folur më herët për projektin e saj të ri muzikor, si dhe ka rrëfyer një incident që i kishte ndodhur më herët në Festivalin e RTSH. Ajo është shprehur për ABC se ka ndjerë një lloj diferëncimi nga artistët e tjerë.

“Pata një shpërthim gjatë provave. Ishte shumë intensive, kishte një minutazh të caktuar për të bërë prova. Duhet vetëm dy herë prova gjenerale, ndërsa disa të tjerë kishin prioritet. E ngrita zërin për diçka që m’u duk e padrejtë. Pastaj njëra gjë solli tjetrën dhe desh e theva mikrofonin”, rrëfeu këngëtarja, duke treguar më tej se nuk ka qënë në gjendje të mirë shëndetësore, por sërish ia doli të performonte më së miri në skenë.

Një tjetër personazh që ka treguar vështirësitë që mbart Festivali, ka qënë edhe moderatorja Xhemi Shehu. Gjatë një interviste për “Top Albania Radio” Xhemi është shprehur se është përballur me “momente tensioni që s’dëshironte t’i kujtonte”.

Ajo u shpreh gjithashtu se “do ta mbajë mend gjithmonë, por nuk do ta përsërisë më si eksperiencë”.

“Si eksperiencë nuk kishte lidhje me asgjë që kam bërë gjatë gjithë jetës. Ishin tri ditë shumë intensive me ulje dhe ngritjet e veta. Ka pasur momente tensioni, të cilat nuk dua t’i kujtoj. Dua të kujtoj vetëm momentet e bukura. Do ta mbaj mend gjithmonë, por nuk do ta përsëris më si eksperiencë”, tha ajo./CNA.al