web counter
LEXO PA REKLAMA!

SHKARKO APP

App Store
Google Play

Zbardhet detaji/ Tritoli në Lushnjë në banesën e nënës së ish-të dashurës së Laert Haxhisë

30 Shtator 2025, 09:44, Kronika CNA

Zbardhet detaji/ Tritoli në Lushnjë në banesën e

Në orët e para të mëngjesit të kësaj të marte një sasi tritoli u vendos në katin e parë të një pallati në lagjen “Gafurr Muço” në Lushnjë.

Tritoli iu vendos banesës së Sh.Gj., nënës së ish-të dashurës së Laert Haxhisë, Klea Gjata.

Si pasojë e shpërthimit ka vetëm dëme të vogla materiale.

"Rreth orës 01:00, në lagjen "Gafurr Muço", në murin e jashtëm në katin e parë të banesës së shtetases Sh. Gj., 57 vjeçe, është hedhur dhe ka shpërthyer një sasi e vogël lëndë plasëse. Nga shpërthimi janë shkaktuar dëme të vogla materiale. Menjëherë në vendngjarje kanë shkuar forcat e Policisë dhe grupi hetimor, për të kryer veprimet për sqarimin e rrethanave të ngjarjes, si dhe për identifikimin dhe kapjen e autorit/ëve", njoftoi sot policia.

Klea Gjata u arrestua më 28 shtator 2023 në kuadër të operacionit të koduar policor ‘Kurrë mos harro’, pas dëshmisë së të penduarit të drejtësisë, Artan Tafani.

Ndaj saj u ngrit akuza për veprat penale “Përkrahja e autorit të krimit” dhe “Moskallëzimi i krimit”.

Në mars të 2024 gjykata vendosi të lironte nga qelia Klea Gjatën duke i lënë masën ndalim i daljes jashtë shtetit./ CNA





Lajmet e fundit nga