web counter
LEXO PA REKLAMA!

SHKARKO APP

App Store
Google Play

Dje, familjarët denoncuan zhdukjen e 14-vjeçares/ Arrestohen dy persona që tentuan ta trafikonin drejt Kosovës

29 Shtator 2025, 11:29, Kronika CNA

Dje, familjarët denoncuan zhdukjen e 14-vjeçares/ Arrestohen dy

Një 22-vjeçar ka rënë në prangat e Policisë në Pikën e Kalimit Kufitar të Morinës pasi tentoi të trafikonte drejt Kosovës një shtetase të mitur 14-vjeçare.

Së bashku me shtetasin E.G., është arrestuar edhe një 18-vjeçare e akuzuar për moskallëzim krimi.

Policia nisi kërkimet për të miturën pas kallëzimit të prindërve për largimin e saj nga banesa në Durrës.

Njoftimi i Policisë:

"Tentoi të kalonte në kufi, një shtetase të mitur, me qëllim trafikimin e saj në Kosovë, arrestohet në flagrancë 22-vjeçari.     

Arrestohet dhe pasagjeri në automjetin e 22-vjeçarit, për moskallëzim të krimit.  

Shërbimet e Policisë Kufitare në Morinë, në vijim të punës për goditjen e paligjshmërive në kufi, bazuar dhe në analizën e riskut, kanë ndaluar në dalje të RSh-së, automjetin me drejtues shtetasin E. G., 22 vjeç, i cili udhëtonte me shtetasin A. K., 18 vjeç, dhe me një shtetase 14 vjeçe.      

Nga hetimet dyshohet se shtetasi E. G. po tentonte ta kalonte në kufi, 14-vjeçaren, me qëllim trafikimin e saj në Kosovë.   

Në vijim të veprimeve, specialistët për Hetimin e Trafiqeve të Paligjshme arrestuan në flagrancë shtetasit: 

E. G., 22 vjeç, banues në Berat, për veprën penale”Trafikimi i të miturve”; 

A. K., 18 vjeç, banues në Berat, për veprën penale “Moskallëzimi i krimit”.

Më datë 28.09.2025, në DVP Durrës, kanë kallëzuar familjarët e 14-vjeçares, për largimin e saj nga banesa. 

Vijojnë hetimet për rastin.

Materialet procedurale iu referuan Prokurorisë, për veprime të mëtejshme"./CNA

 

 

 

 

 

 

 

 





Lajmet e fundit nga