web counter
LEXO PA REKLAMA!

SHKARKO APP

App Store
Google Play

Vrasja e 14-vjeçarit/ Gentjan Mullaj: I qëndrojmë deklaratës, nuk ka autor të dytë

29 Nëntor 2024, 11:58, Kronika CNA

Vrasja e 14-vjeçarit/ Gentjan Mullaj: I qëndrojmë

Zëdhënësi i Policisë së Shtetit, Gent Mullai, ka folur për qëndrimet e policisë në lidhje me mediat se përveç M.P. në vrasjen e 14-vjeçarit M.C. është përfshirë edhe një tjetër person.

I ftuar në “Kafe Shqeto”, Mullai tha se Policia e Shtetit i qëndron deri në fund deklaratës se deri në këto momente nuk ka një autor të dytë në vrasjen e M.C.

“Së pari më lejoni të ju sqaroj që deklarata që ka dhënë Policia e Shtetit i qëndron deri në fund e nuk ka asnjë dyshim.

Ne kemi thënë që nga dita e parë e deri më sot, që nga tërësia e veprimeve hetimore që ka kryer Policia e Shtetit në drejtimin e prokurorisë, rezulton se kemi vetëm një autor që ka goditur me thikë viktimën e shokun e viktimës.

Nuk kemi autor të dytë me thikë, ne këtë kemi thënë që kemi sekuestruar pamjet e kamerave që janë ndodhur përreth dhe kemi marrë dëshminë e të gjithë atyre personave që kanë qenë të pranishëm e dua të ju informoj që pas ditës së djeshme është kryer edhe ballafaqimi i kushëririt të Luisit me të dhe ka rezultuar se kushëriri i tij ka deklaruar se shtetasi nuk ka pasur thikë me vete.

Janë kryer edhe ekspertizat e plagëve dhe ka rezultuar se deri në këto momente nuk kemi autor të dytë me thikë.

Nuk kemi përjashtuar asnjë gjë që kemi thënë e të gjitha veprimet që janë kryer deri më sot del në këtë përfundim.

Nuk duhet të keqkuptojmë sqarimin e dinamikës dhe pozicionimin tonë, sepse duket sikur ne po mbrojmë autorin”, tha zëdhënësi i Policisë së Shtetit./ CNA





Lajmet e fundit nga