web counter
LEXO PA REKLAMA!

SHKARKO APP

App Store
Google Play

Vodhën banesa dhe një automjet/ Vihet në pranga 31-vjeçari, dy të tjerë në kërkim

27 Mars 2025, 09:43, Kronika CNA

Vodhën banesa dhe një automjet/ Vihet në pranga

Një person ka rënë në pranga dhe dy të tjerë janë shpallur në kërkim, si autorë të dyshuar të disa vjedhjeve në banesa dhe një automjeti.

Ngjarje të ndodhura në fshatin Fitore të Vlorës. Është arrestuar 31-vjeçari E. B., dhe janë shpallur në kërkim G. S., 28 vjeç dhe M. Z., 30 vjeç.

“Vijojnë goditjet e njëpasnjëshme kundër krimeve ndaj pronës, vihet në pranga një shtetas dhe shpallen në kërkim 2 bashkëautore të dyshuara, për tre vjedhje banesash dhe një automjeti, në fshatin Fitore

Në vijim të punës për zbardhjen e vjedhjeve të ndodhura më herët, dhe falë veprimeve të mirëorganizuara hetimore të shërbimeve të Komisariatit të Policisë Vlorë, u bë i mundur dokumentimi i tre rasteve të vjedhjes, në fshatin Fitore, Novoselë, ndalimi me iniciativë i njërit prej autorëve të dyshuar, si dhe shpallja në kërkim e dy të tjerëve, konkretisht:

U ndalua shtetasi: • E. B., 31 vjeç, banues në Fitore. Ndërsa u shpallën në kërkim shtetasit: • G. S., 28 vjeç, dhe M. Z., 30 vjeç, banues në Fitore. Nga hetimet dyshohet se këta shtetas, në orët e para të mëngjesit të datës 17.03.2025, kanë vjedhur në dy banesa të shtetasve që aktualisht jetojnë jashtë vendit, si dhe në banesën e një shtetasi tjetër, nga ku kanë marrë edhe një automjet të markës “Land Rover”, i cili është gjetur dhe sekuestruar në cilësinë e provës materiale. Vijon puna për lokalizimin dhe kapjen e shtetasve të shpallur në kërkim, si dhe për dokumentimin e rasteve të tjera ku këta shtetas dyshohen se janë autorë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme hetimore", njofton policia./ CNA





Lajmet e fundit nga