web counter
LEXO PA REKLAMA!

SHKARKO APP

App Store
Google Play

E fundit!

x

Plagosje me thikë në Pazarin e Vjetër të Korçës, tre persona në spital

24 Prill 2026, 08:45, Kronika CNA

Një incident i dhunshëm është regjistruar pak minuta më parë në Pazarin e Vjetër të Korçës, ku tre persona kanë mbetur të përfshirë në një konflikt që përfundoi me plagosje me thikë.

Sipas informacioneve paraprake, në sherr janë përfshirë dy pronarë lokalesh dhe një person tjetër.

Konflikti ka nisur fillimisht me debate verbale, por më pas ka degjeneruar në përplasje fizike, ku janë përdorur edhe karriget e lokaleve.

Situata është përshkallëzuar kur njëri prej të përfshirëve ka marrë një thikë nga lokali dhe ka plagosur një tjetër person.

Të tre të përfshirët janë transportuar në spitalin e qytetit të Korçës, ku po marrin ndihmë mjekësore.

Njëri prej të plagosurve ka një plagë nga thika, ndërsa dy personat e tjerë kanë mbetur të dëmtuar nga karriget e përdorura gjatë sherrit.

Ende nuk dihen shkaqet e konfliktit, ndërsa pritet një reagim zyrtar nga autoritetet për zbardhjen e plotë të ngjarjes.

Pritet të merren deklaratat nga grupi hetimor për zbardhjen e plotë të rrethanave.

Burime zyrtare nga policia bëjnë me dije se në konflikt janë përfshirë në total 4 persona, dy vëllezër me dy vëllezër të tjerë.

3 prej tyre kanë marrë mjekimin në spital dhe do të shoqërohen në komisariat së bashku me personin e katërt.

Nga konflikti ka mbetur i plagosur me thikë njëri prej tyre në këmbë dhe ndodhet jashtë rrezikut për jetën ndërsa dy të tjerët kanë dëmtime të lehta nga karriget./ CNA





Lajmet e fundit nga