web counter
LEXO PA REKLAMA!

SHKARKO APP

App Store
Google Play

E fundit!

x

Përdornin fjalor banal gjatë operacionit/ AMP nis hetim administrativ ndaj 2 efektivëve

29 Qershor 2023, 21:58, Kronika CNA

Përdornin fjalor banal gjatë operacionit/ AMP nis hetim administrativ

AMP ka nisur hetim administrativ ndaj dy punonjësve të Policisë së Durrësit.

Ky vendim është marrë menjëherë pas publikimit të një videoje në rrjetet sociale, ku 2 efektivët përdornin fjalor banal gjatë një operacioni të zhvilluar 3 ditë më pare.

“Në lidhje me një video të publikuar në rrjete sociale, në të cilën shfaqen 2 punonjës policie që gjatë kryerjes së veprimeve procedurale për arrestimin e një shtetasi, përdorin fjalor joetik, ju bëjmë me dije se:

Më datë 26.06.2023, janë arrestuar shtetasit E.D., 27 vjeç dhe G. S., 26 vjeç, pasi gjatë kontrolleve fizike, 27-vjeçarit i është gjetur një mjet prerës (thikë), ndërsa shtetasit G. S. i është gjetur një sasi lënde narkotike cannabis sativa. Gjithashtu, të dy këta shtetas kanë përdorur forcën kundër punonjësve të Policisë, për t’i ndaluar të kryejnë veprimet procedurale për rastin.

Drejtoria e Standardeve Profesionale të DPPSH dhe AMP-ja, menjëherë sapo kanë marrë njoftim në lidhje me komunikimin joetik të punonjësve të Policisë, më datë 27.06.2023 kanë nisur hetimin administrativ për këta punonjës policie që shfaqen në këtë video, për veprimet e tyre, si dhe për fjalorin joetik të përdorur gjatë përmbushjes së detyrave funksionale.

Policia e Shtetit falënderon median dhe qytetarët që denoncojnë raste të paligjshmërive të ndryshme, si dhe i siguron ata se strukturat vendore dhe qendrore të Policisë, do të reagojnë menjëherë, me paanshmëri dhe konform ligjit”, thuhet në njoftimin e policisë./ CNA.al





Lajmet e fundit nga