E fundit!

07:14 Ekonomi

Shqiptarët do të paguajnë të paktën 100 milionë euro në vit shtesë për taksën e pronës

Me zbatimin e reformës së re për taksimin e pasurive të pa...

"Në Mamurras nuk futesh dot pa u organizuar"/ Prençi: Me qindra herë të fortët kanë sulmuar policinë

19 Maj 2026, 21:52, Kronika CNA

"Në Mamurras nuk futesh dot pa u organizuar"/ Prençi: Me

Ish-drejtuesi i Lartë i Policisë së Shtetit, Shemsi Prençi ka folur mbrëmjen e sotme lidhur me ngjarjen e ndodhur në Mamurras, gjatë një operacioni për kapjen e një 23-vjeçari që ishte në kërkim për tentativë vrasje.

Në një dalje televizive, Prençi vlerësoi reagimin e efektivëve në rastin e sotëm, pasi sipas tij policët janë të patrajnuar që të hapin zjarr në momentë të caktuara për neutralizimin e e një personi të rrezikshëm dhe të armatosur.

Sipas tij policia në Mamurras, policia nuk futet dot e paorganizuar, pasi sipas tij ka pasur qindra raste që “të fortët” e asaj zone të sulmojnë policët, apo siç ndodhi sot të tentojnë t’i shtypin me makinë.

“Duhet të kishim një kallashnikov këtu e të qëllonim në ajër për shyqyr që policët qëlluan. Ka shumë kohë që policët shkojnë për të kryer detyrën dhe janë të patrajnuar që të hapin zjarr në momentë të caktuara për neutralizimin e elementit të armatosur. Në Shqipëria ka shkuar numri në 230 e ca policë të vrarë në 35 vite. Në rastin e Mamurrasit ka pasur informacion të saktë, por nuk dihet sa kohë ka pas që ka ardhur, ka qenë i momentit apo i mëparshëm. Mendoj se ka qenë i momentit. Ka qenë i momentit sepse Drejtoria e Policisë së Lezhës ka angazhuar Forcat Operacionale të drejtorisë dhe nuk ka pasur kohë të priste strukturat e specializuara si RENEA dhe FNSH.

Në Mamurras nuk guxon të hyjë policia e paorganizuar. Me qindra herë ka ndodhur që grupi i të fortëve kanë sulmuar policët, sidomos Mamurras-Laç janë bërë tentativa për të shtypur efektivët me makinë. Unë i falenderoj që kanë përdorur armën e para për vetëmbrojtje, e dyta se kishin të bënin me një person me rrezikshmëri të lartë se kishte armën në dorë. Ata janë mësuar që të shohin patrulla me persona, në këtë rast e kuptuan që ishte një operacion. Përgëzoj punën e bërë nga policia e Lezhës, që ka ndërhyrë të zgjidhë një çështje për të cilat ka marrë informacione nga pala italiane”, tha ai.