web counter
LEXO PA REKLAMA!

SHKARKO APP

App Store
Google Play

“Lordi i kokainës” do transferohet në Shqipëri/ Nga 25 vite burg në Angli, do vuajë 15 vite

26 Janar 2024, 22:01, Kronika CNA
“Lordi i kokainës” do transferohet në Shqipëri/ Nga
Erald Mema

Një ndër “lordët” e kokainës në Angli, shqiptari me emrin Erald Mema është dënuar me 25 vite burg nga autoritetet britanike.

Mema do të sillet në Shqipëri në kuadër të marrëveshjes me Britaninë e Madhe, që disa prej të burgosurve ta vuajnë dënimin në vendlindje.

Por, sipas mediave, “lordi” i kokainës do të vuajë vetëm 15 vjet burgim në Shqipëri.

Gjykata e Tiranës ka vendosur të njohë vetëm 15 vjet dënim dhe këtë vendim do ta përcjellë tek autoritetet britanike.

Gjykata deklaron se Memës do t’i njihet dënimi për pjesën e pavuajtur në Britani. 39-vjeçari ka shprehur pëlqimin për ta vuajtur dënimin në vendin e tij.

Shqiptari akuzohet se drejtonte një grup prej 19 personash për shpërndarjen e kokainës dhe në disa raste kishte drejtuar shitjen e drogës edhe nga Shqipëria.

Kjo organizatë ishte në gjendje që të gjente dhe të shpërndante kilogramë të tëra kokaine nëpërmjet disa korrierëve nëpër Midlands, Oxford e Bracknell.

Mema është dënuar për akuzën e bashkëpunimit në fshehtësi për furnizim me drogë të kontrolluar të klasit A.

Operacioni i autoriteteve britanike çoi në dënimin e disa personave, përfshirë Memën, me plot 165 vjet burg në total./ CNA





Lajmet e fundit nga