web counter
LEXO PA REKLAMA!

SHKARKO APP

App Store
Google Play

I penduari i ‘Plumbit të Artë’ rrëfehet: Ja si e mora porosinë për të vrarë Lulzim Mashën dhe Oti Kilën

15 Korrik 2025, 19:35, Kronika CNA

I penduari i ‘Plumbit të Artë’ rrëfehet: Ja si e mora

Zbardhen të tjera detaje nga rrëfimi i bërë këtë të martë nga i penduari i drejtësisë në dosjen e njohur "Plumbi i Artë", Skerdi Tase.

Në fjalën e tij gjatë seancës në GJKKO, Tase tregoi edhe hollësira lidhur me urdhrin për të vrarë Lulzim Mashën dhe porosinë për të vrarë Elton Kilën, i njohur si Oti Kile.

“Henriku më tha që punën e kishte marrë nga Nuredini dhe Nuredini nga dikush tjetër. Puna ishte dhënë nga “Sakati” nga Sandër Baho. Pas tentativës së vrasjes së Mashës Henriku shkoi në shtëpinë e vet un në timen. Pas disa ditësh informohem që isha shpallur në kërkim dhe kam qëndruar i fshehur deri kur u arrestova. Jemi takuar disa herë me Henrikun pas atentatit ndaj Lulzim Mashës.Henriku pastaj më tha për të vrarë Oti Kilën. Oti shiste makina, unë nuk e njihja personalisht por Henriku ma tregoi me foto. Gjatë vitit 2021 e kemi ndjekur disa herë Otin, nuk e kapëm dot dhe nuk mbanim armë me vete. Vrasjen do e bënim kundrejt pagesës 60 mijë euro, lekët do na i jepte Nuredin Dumani. Ne i ruanim të tre, Lulzim Mashën, Oti Kilën dhe Dine Çamin. Shpesh herë kemi shkuar edhe për Dine Çamin në Elbasan, ai kishte një magazinë afër shtëpisë së Talos. E kemi ruajtur për t’i bërë atentat me snajper, gjatë 2021”, -ka rrëfyer Tase./CNA





Lajmet e fundit nga