E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Foshnja humbi jetën në spital/ Reagon QSUT: Dhamë mjekimin e nevojshëm, pasqyrimet të pasakta

8 Tetor 2023, 19:10, Kronika CNA

Foshnja humbi jetën në spital/ Reagon QSUT: Dhamë mjekimin e

Qendra Spitalore Universitare "Nënë Tereza" ka dalë mbrëmjen e kësaj të diele me një sqarim të ekipit të shërbimit të Kardiokirurgjisë për humbjen e jetës së një foshnje që kishte një problem në zemër.

QSUT deklaron se përkujdesja e mjekëve për foshnjen ka qenë maksimale gjatë dhe pas ndërhyrjes.

Në deklaratë thuhet se ekipi mjekësor ka dhënë të gjithë shërbimin e nevojshëm dhe se për ndërhyrjen ka marrë aprovimin e familjarëve.

Gjithashtu, QSUT pretendon se stafi i spitalit nuk është kontaktuar për të paqyruar ngjarjen në mënyrë të balancuar dhe se në media ka pasur publikime të pasakta.

Foshnja 9-ditëshe vdes në spital/ Prindërit kallëzojnë drejtoreshën e QSUT
7 Tetor, 16:32

Deklarata e plotë:

Nisur nga disa publikime në disa media online për rastin e fëmijës B.D që fatkeqësisht humbi jetën si pasojë e komplikacioneve që shoqërojnë anomali të rënda të sëmundjeve të zemrës tek një i porsalindur, shërbimi i Kardiokirurgjisë së QSUT, sqaron se:

Qendra Spitalore Universitare “Nënë Tereza” çdo ditë mban mbi supe misionin jetëshpëtues për dhjetëra mijëra qytetarë që vijnë nga gjithë Shqipëria, por edhe nga trevat përreth. Ndër vite janë trajtuar me shumë sukses mbi 1300 raste të pacientëve të vegjël.

Edhe gjatë ndërhyrjes së kryer ndaj fëmijës B.D, edhe pas operacionit, përkujdesja e mjekëve ka qenë maksimale dhe i është dhënë shërbimi i nevojshëm, duke u ndjekur me shumë kujdes nga ekipi reanimator i QSUT-së.

Familjarët janë informuar edhe përpara ndërhyrjes për komplikacionet e mundshme post operatore, për gjendjen e patologjisë së lindur dhe atë të fëmijës përpara ndërhyrjes. Mjekët kanë marrë aprovimin e tyre për kryerjen e ndërhyrjes.

Ndjejmë të nevojshme të theksojmë se asnjë pjesëtar i stafit të Qendrës Spitalore Universitare “Nënë Tereza” nuk është kontaktuar për të dhënë shpjegime për rastin në fjalë, në mënyrë që rasti të pasqyrohej i balancuar në opinionin publik.

Ndaj, duke marrë parasysh pasaktësitë në publikimet mediatike, theksojmë se puna e këtij shërbimi kombëtar jetëshpëtues, minimumi duhet të trajtohet i verifikuar dhe duke marrë parasysh të gjitha detajet e rastit në fjalë.

QSUT është dhe do të mbetet adresa e përditshme e problematikave të tyre shëndetësore dhe nuk i meriton në asnjë rast komentet keq informuese nga askush.