web counter
LEXO PA REKLAMA!

SHKARKO APP

App Store
Google Play

E fundit!

x

Europol godet "strofullat" e mashtrimeve telefonike në Shqipëri, si funksiononte rrjeti

2 Maj 2024, 16:13, Kronika CNA

Europol godet "strofullat" e mashtrimeve telefonike në

Europol njofton se forcat e policisë gjermane, shqiptare, boshnjake-hercegovinase, të Kosovës dhe libaneze bastisën 12 qendra telefonike të identifikuara si burimi i mijëra telefonatave mashtruese ditore.

21 persona u arrestuan gjatë kësaj dite aksioni të mbështetur nga Europoli, i cili shkatërroi një rrjet kriminal përgjegjës për mashtrimin e mijëra viktimave.

Në një përpjekje të paprecedentë të zbatimit të ligjit, një hetim gjerman në shkallë të gjerë evoluoi në "Operacionin PANDORA", i cili identifikoi 39 të dyshuar.

"Operacioni PANDORA" filloi me një arkëtar banke në Freiburg, Gjermani. Kur në dhjetor 2023, një klient kërkoi të tërhiqte mbi 100 000 euro para në dorë, arkëtari i bankës filloi të dyshonte dhe shpejt mësoi se klienti kishte rënë viktimë e një mashtrimi të rremë. 

Në vend që të merrnin shumën masive të parave, grumbulluesit u arrestuan nga oficerët e Policisë së Freiburgut (Polizeipräsidium Freiburg).

Më pas është bërë survejimi në linjën telefonike të viktimës. Duke parë këtë rast individual, hetuesit shpejt kuptuan se numrat e telefonit të përdorur nga autorët mund të lidheshin me mbi 28 000 telefonata mashtruese në vetëm 48 orë.

Nga hetimet rezultoi se qendrat e thirrjeve telefonike ishte të vendosura në Shqipëri, Bosnje-Hercegovinë, Kosovë dhe Liban. Mashtruesit e investimeve kryenin telefonata kryesisht nga Shqipëria./CNA 

 





Lajmet e fundit nga