web counter
LEXO PA REKLAMA!

SHKARKO APP

App Store
Google Play

E mori rrjedha e lumit në kanionet e Osumit/ Gjendet pas 3 ditësh trupi i turistit

11 Maj 2023, 16:25, Kronika CNA
E mori rrjedha e lumit në kanionet e Osumit/ Gjendet pas 3 ditësh
Foto nga kërkimet

Një çift bashkëshortësh holandezë, që kishin ardhur për turizëm në Shqipëri, i mori rrjedha e lumit në kanionet e Osumit, pasi hynë në ujë për të notuar.

Ngjarja ndodhi tri ditë më parë. 64-vjeçarja me iniciale H.(V.A.) C.S., mundi të dalë nga lumi, ndërsa bashkëshortin e saj me iniciale J.A.S., 68 vjeç, e mori rrjedha e ujit.

Polumbarët e Repartit Special “RENEA” nisën menjëherë kërkimet për turistin dhe pas 3 ditësh është gjetur trupi i pajetë i holandezit.

Ndërkohë, bashkëshortja e tij është në gjendje të mirë shëndetësore.

Njoftimi i policisë:

Kërkimet e pandërprera nga polumbarët e RENEA-s, të ndihmuar nga shërbimet e Komisariatit të Policisë Skrapar, bëjnë të mundur gjetjen e trupit të pajetë të shtetasit holandez, i cili u mbyt në ujë, teksa notonte në kanionet e lumit Osum.

Më datë 08.05.2023, shkoi në spitalin e Çorovodës, për ndihmë mjekësore, shtetasja holandeze H. (V. A.) C. S., 64 vjeçe, e cila deklaroi se së bashku me bashkëshortin e saj, shtetasin J. A. S., 68 vjeç, ishin futur për të notuar në kanionet e lumit Osum. 64-vjeçarja kishte mundur të dalë nga uji, ndërsa shprehej se bashkëshortin e saj e kishte marrë rrjedha e ujit.

Menjëherë pas njoftimit, është organizuar puna nga shërbimet e Komisariatit të Policisë Skrapar dhe polumbarët e Repartit Special “RENEA”, me qëllim gjetjen e shtetasit J. A. S.

Pas 3 ditësh kërkime të pandërprera në rrjedhën e lumit Osum, ekipi i specializuar i polumbarëve të RENEA-s kanë bërë të mundur gjetjen e trupit të pajetë të 68-vjeçarit, në njërin nga kanionet e këtij lumi.

Në kërkime u angazhuan edhe 2 pjesëtarë të federatës “Albania Rafting Group”.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për dokumentimin e plotë ligjor të kësaj ngjarjeje./ CNA.al

 





Lajmet e fundit nga