E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Detaje të tjera/ Si u arratis Altin Ndoci, momenti si në filma

13 Janar 2026, 17:21, Kronika CNA

Detaje të reja kanë dalë në dritë rreth arratisjes të paraburgosurit Altin Ndocit nga spitali infektiv i Durrësit.

Sipas raportimeve Ndoci nuk ka qenë i vetëm teksa po kryente vizitat mjekësore, por ka qenë i shoqëruar dhe nga një tjetër i paraburgosur.

Altin Ndoci në një moment ka kërkuar të shkojë në tualet dhe është shoqëruar nga dy punonjës të Policisë së Burgjeve. Pasi ka dalë, dyshohet se Ndoci ka goditur efektivët dhe i ka shtyrë dhe më pas është larguar me shpejtësi.

Ndoci është arratisur nga kati i tretë i pavijonit infektiv të spitalit.

Altin Ndoci cilësohet si një person me rrezikshmëri të lartë dhe rezulton i përfshirë në disa nga vrasjet më të bujshme në vend.

Ndoci, i cili ndodhej në paraburgim që nga viti 2020, akuzohet nga Prokuroria e Posaçme për disa vrasje, ndërsa dyshohet si pjesë e grupit të Çopjave.

Nga dëshmia e të penduarit të drejtësisë, Nuredin Dumanit, doli se Ndoci kishte lidhje me vrasjen e dy vëllezërve Besmir dhe Viktor Haxhia në Durrës dhe ekzekutimin e dy personave të tjerë më 2 mars 2020, Dorjan Shkoza dhe Anxhelo Avdia. Ai akuzohet gjithashtu edhe për vrasjen e Andi Zylyfit dhe plagosjen e Ardit Uruçit.

Ndoci akuzohet për veprat penale “Vrasja në rrethana te tjera cilësuese”, ndaj dy ose më shumë personave, e kryer më shumë se një herë, “Mbajtja pa leje dhe prodhimi i armëve, armëve shpërthyese dhe i municionit”, të kryera në bashkëpunim të veçantë atë të grupit të strukturuar kriminal, dhe “Grupi i strukturuar kriminal”, (në rolin e pjesëmarrësit) dhe “Kryerja e veprave penale nga grupi i strukturuar kriminal”.

Drejtoria e Përgjithshme e Burgjeve reagoi më herët lidhur me arratisjen, ku tha se Altin Ndoci është larguar nga ambientet e Spitalit të Durrësit, ku ishte shoqëruar për kryerjen e vizitave mjekësore.

Gjithashtu bëhet me dije se strukturat përkatëse janë vënë menjëherë në lëvizje dhe po punohet për lokalizimin dhe kapjen e tij, si dhe për sqarimin e plotë të rrethanave të ngjarjes./ CNA