web counter
LEXO PA REKLAMA!

SHKARKO APP

Arrestohet Leksi i Druve në Itali/ I shumëkërkuari u shpëtoi 3 atentateve

10 Qershor 2024, 14:12, Kronika CNA
Arrestohet Leksi i Druve në Itali/ I shumëkërkuari u shpëtoi
Aleks Ndreka, foto e marrë nga Google

Policia njoftoi këtë të hënë për arrestimin e një shqiptari të shumëkërkuar në Itali.

Bëhet fjalë për Aleks Ndrekën, të njohur ndryshe si Aleksi i Druve.

Ai është një personazh i njohur për botën e krimit në qytetin e Lezhës.

Në vitet e fundit, Leksi i Druve u ka shpëtuar 3 atentateve, ku i fundit ishte nga ajri. Kundërshtarët tentuan ta eliminonin fizikisht përmes një droni, por nuk ia arritën dot.

Ai është sulmuar edhe në vitin 2020 në superstradën Lezhë-Laç. Aty mbeti i plagosur, por arriti të shpëtojë pasi u largua nga zona dhe shkoi vetë në spitalin rajonal të Lezhës, ku mori ndihmën mjekësore. Autorët edhe në atë rast arritën të humbin gjurmët, pasi dogjën makinën në fshatin Pllanë të Lezhës.

Po ashtu, edhe marsin e vitit të kaluar drejt tij u qëllua me armë zjarri nga persona ende të paidentifikuar, por nuk e zuri asnjë plumb.

Aleks Ndreka (Deda) është i njohur edhe me përplasjet me ish-deputetin e PS-së, Arben Ndoka, për të cilët thuhet se u pajtuan në kishë me ndërmjetësimin e Ardian Nikulajt.

Leksi i Druve u shpall në kërkim në kuadër të operacionit “Metamorfoza” të SPAK-ut dhe është cilësuar nga gazetarët dhe analistët si një “thesar” për zbërthimin e ngjarjeve kriminale./ CNA





Lajmet e fundit nga