web counter
LEXO PA REKLAMA!

SHKARKO APP

App Store
Google Play

E fundit!

x

Arrestohet i riu në Elbasan, i gjenden armë dhe municione luftarake

4 Korrik 2024, 12:55, Kronika CNA
Arrestohet i riu në Elbasan, i gjenden armë dhe municione luftarake
Foto nga aksioni i policisë

Policia e Elbasanit ka arrestuar një 28-vjeçar me iniciale G. L., i cili është kapur me armë zjarri dhe municione luftarake. 

Policia ka sekuestruar 1 armë zjarri pistoletë, 1000 fishekë luftarakë të kalibrave të ndryshëm, 4 krehra armësh, 2 kapsolla detonatorë, 1 jelek antiplumb, një sasi lënde narkotike kanabis sativa dhe 1 automjet.

Njoftimi i Policisë: 

Finalizohet si rezultat i një hetimi tremujor, me metoda proaktive, operacioni policor i koduar “Kalibri”.

Sekuestrohen 1 armë zjarri pistoletë, 1000 fishekë luftarak të kalibrave të ndryshëm, 4 krehra armësh, 2 kapsolla detonatore, 1 jelek antiplumb, një sasi lënde narkotike cannabis sativa dhe 1 automjet.

Arrestohet në flagrancë 28-vjeçari që lëvizte me armën e zjarrit me vete dhe që mbante sendet e tjera të sekuestruara, në banesë, dyshohet me qëllim trafikimin.

Si rezultat i një hetimi të kryer me metoda proaktive, për 3 muaj, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Elbasan, hetim i cili u iniciua në bazë të informacioneve nga inteligjenca policore, të siguruara në vijim të punës për të garantuar sundimin e ligjit në territor, Seksioni për Hetimin e Narkotikëve dhe Trafiqeve të Paligjshme i DVP Elbasan finalizoi operacionin policor të koduar “Kalibri”.

Gjatë këtij operacioni u kap në flagrancë dhe u vu në pranga shtetasi G. L., 28 vjeç.

Në automjet shërbimet e Policisë i gjetën këtij shtetasi, 1 armë zjarri pistoletë, ndërsa në banesë i gjetën 1000 fishekë luftarak të kalibrave të ndryshëm, 4 krehra armësh, 2 kapsolla detonatore, 1 jelek antiplumb dhe një sasi lënde narkotike cannabis sativa. Nga hetimet e deritanishme dyshohet se ky shtetas i posedonte këto sende, me qëllim trafikimin.

Materialet procedurale i kaluan Prokurorisë pranë Gjykatës së Shkallës së Parë, të Juridiksionit të Përgjithshëm Elbasan, për veprime të mëtejshme, për veprat penale "Trafikimi i armëve dhe municionit" dhe "Prodhimi dhe shitja e narkotikëve"./CNA 





Lajmet e fundit nga