web counter
LEXO PA REKLAMA!

SHKARKO APP

App Store
Google Play

18-vjeçarja humbi jetën në aksidentin në Durrës/ Arrestohet i riu që drejtonte makinën i dehur

16 Janar 2026, 13:46, Kronika CNA

18-vjeçarja humbi jetën në aksidentin në Durrës/

Policia ka arrestuar të riun që shkaktoi aksidentin ku humbi jetën një 18-vjeçare dhe u plagosën dy këmbësorë mbrëmjen e djeshme tek Ura e Dajlanit në Durrës.

I riu me inicialet A. Xh., u arrestua për veprat penale “Shkelja e rregullave të qarkullimit rrugor”, me pasojë vdekjen, dhe “Drejtimi i automjeteve në mënyrë të parregullt”.

Nga hetimet ka rezultuar se 26-vjeçari, pasi ka humbur kontrollin mbi automjetin, është përplasur me barrierat anësore të urës dhe ka rënë nga ajo. I riu vetë ndodhet nën kujdesin e mjekëve jashtë rrezikut për jetën.

Njoftimi i policisë:

Në vijim të informacionit të dhënë mbrëmë, mbi aksidentin rrugor te ura e Dajlanit, me pasojë vdekjen e shtetases V. G., informojmë se shërbimet e Policisë Rrugore kryen menjëherë veprimet hetimore të nevojshme, me qëllim zbardhjen e rrethanave të aksidentit.

Në përfundim të këtyre veprimeve, u bë arrestimi në flagrancë i drejtuesit të automjetit në të cilin ishte pasagjere shtetasja V. G., shtetasit A. Xh., 26 vjeç, për veprat penale “Shkelja e rregullave të qarkullimit rrugor”, me pasojë vdekjen, dhe “Drejtimi i automjeteve në mënyrë të parregullt”.

Nga hetimet rezultoi se 26-vjeçari ka humbur kontrollin mbi automjetin që drejtonte në gjendje të dehur, dhe si pasojë, automjeti është përplasur me barrierat anësore të urës dhe ka rënë nga ajo.

26-vjeçari vijon të jetë në kujdesin e mjekëve, aktualisht jashtë rrezikut për jetën, ndërsa 2 këmbësorët e dëmtuar kanë marrë asistencën mjekësore të nevojshme dhe janë larguar në banesa. /CNA





Lajmet e fundit nga