web counter
LEXO PA REKLAMA!

SHKARKO APP

App Store
Google Play

Vritet 1 person dhe plagoset 1 shqiptar/ Dorëhiqen 2 ministra në Slloveni

26 Tetor 2025, 22:02, Kosova & Bota CNA

Vritet 1 person dhe plagoset 1 shqiptar/ Dorëhiqen 2 ministra në

Dy ministra të Sllovenisë, Ministrja e Drejtësisë Andreja Katic dhe Ministri i Brendshëm Bostjan Poklukar paraqitën sot dorëheqjet, pasi një 48-vjeçar u rrah për vdekje dhe një shtetas shqiptar u plagos para një bari në Novi Mesto. 

Vrasja ndodhi natën midis të premtes dhe të shtunës, pasi një 48-vjeçar erdhi në bar me ftesë të djalit të tij, i cili e telefonoi për shkak të kërcënimeve nga disa romë.

Sipas mediave lokale, autori kryesor i dyshuar është një 20-vjeçar, i cili më parë kishte sulmuar shqiptarin  përpara se të godiste fatalisht 48-vjeçarin slloven pranë një restoranti. Viktima ndërroi jetë në spital si pasojë e plagëve të marra, ndërsa shqiptari ndodhet në gjendje të rëndë.

"Me dorëheqjen time, dua të kontribuoj në qetësimin e situatës, të gjithë duhet të mendojnë për përgjegjësinë e tyre”,-tha Ministrja e Drejtësisë.

“Marr përgjegjësi objektive”,-tha Ministri i Brendshëm.

Kryeministri slloven Robert Golob foli gjithashtu në konferencë, duke njoftuar ndryshime urgjente ligjore në lidhje me çështjet dhe sigurinë e romëve.

“Dhuna nuk zhduket brenda natës. Ajo lind në një mjedis ku ndëshkimi nuk vjen pas veprës, ku drejtësia vonohet dhe ku përgjegjësia humbet kuptimin e saj. Ngjarja e djeshme na tronditi të gjithëve”,-tha Golob.

Ndër të tjera, Këshilli i Sigurisë Kombëtare vendosi të dërgojë forca shtesë policore në Novo Mesto, dhe nëse është e nevojshme, të dërgojë një njësi speciale policore. Qytetarët janë mbledhur në qendër të Novi Mestos që nga mëngjesi, duke ndezur qirinj./CNA





Lajmet e fundit nga