web counter
LEXO PA REKLAMA!

SHKARKO APP

App Store
Google Play

E fundit!

x

Treni përplaset me zjarrëfikësen në SHBA/ 15 të plagosur

29 Dhjetor 2024, 17:20, Kosova & Bota CNA

Treni përplaset me zjarrëfikësen në SHBA/ 15 të

Një tren i linjës Brightline është përplasur me një zjarrfikëse në Delray Beach, Florida, duke lënduar tre zjarrfikës dhe 12 pasagjerë të trenit. Siç raportohet tre zjarrfikësit e plagosur nga Delray Beach u dërguan në një spital lokal, ku ndodhen aktualisht në gjendje të qëndrueshme shëndetësore.

Ndërsa dy prej zjarrfikësve fillimisht u raportuan në gjendje kritike, por gjendja e tyre u përmirësua. Përveç zjarrfikësve, 12 pasagjerë nga treni u dërguan në spital me lëndime të lehta, me ndihmën e ekipit të shpëtimit të zjarrit të Palm Beach County.

Aksidenti ndodhi të shtunën në mëngjes (28 dhjetor 2024) në shinat e East Atlantic Avenue, pranë Railroad Avenue, sipas autoriteteve. Sipas Delray Beach Fire Rescue, zjarrfikësit ishin në rrugë për tu përgjigjur një thirrjeje kur ndodhi aksidenti.

“Pjesa e përparme e atij treni është copëtuar plotësisht, madje disa pjesë të kamionit të zjarrfikësve ishin të mbërthyer në pjesën e përparme të trenit, por ai e ndau makinën në gjysmë. Ai e ndau kamionin e zjarrfikësve përgjysmë dhe mbeturinat ishin kudo,” thuhet në deklaratë.

Gjithashtu një hetim aktiv mbi shkakun e përplasjes po drejtohet nga Departamenti i Policisë së Delray Beach, zyrtarët e Brightline dhe Bordi Kombëtar për Sigurinë e Transportit (NTSB). Autoritetet po hetojnë nëse portat e kalimit hekurudhor ishin funksionale në momentin e incidentit dhe ende nuk kanë konfirmuar detaje rreth shkakut specifik të aksidentit.





Lajmet e fundit nga