web counter
LEXO PA REKLAMA!

SHKARKO APP

App Store
Google Play

Tragjedi në kufirin Gjeorgji-Azerbajxhan/ Rrëzohet aeroplani turk, humbin jetën 20 persona

11 Nëntor 2025, 18:38, Kosova & Bota CNA
Tragjedi në kufirin Gjeorgji-Azerbajxhan/ Rrëzohet aeroplani turk,
Pamje nga aksidenti

Një aksident i rëndë ajror ka ndodhur ditën e sotme në Gjeorgji, ku një aeroplan transporti ushtarak turk C-130 është rrëzuar dhe ka shkaktuar disa viktima. Konkretisht të 20 personat që ishin në bordin e aeroplanit kanë humbur jetën.

Ministria turke e Mbrojtjes bëri me dije në një deklaratë se aeroplani ishte nisur nga Azerbajxhani dhe ishte drejtuar për në Turqi kur u rrëzua në një zonë malore pranë kufirit gjeorgjiano –azerbajxhanas.

Presidenti turk, Recep Tayyip Erdogan, tha se ishte thellësisht i trishtuar për ngarjen e rëndë dhe shprehu ngushëllime familjarëve të viktimave.

Në një bisedë telefonike me homologun e tij turk, Presidenti i Azerbajxhanit, Ilham Aliyev, shprehu gjithashtu ngushëllimet e tij.

Ministria e Brendshme e Gjeorgjisë tha se kontakti me radarin u humb disa minuta pasi avioni hyri në hapësirën ajrore të Gjeorgjisë dhe nuk u dërgua asnjë sinjal shqetësimi. Autoritetet nga të tre vendet kanë nisur një operacion të përbashkët kërkim-shpëtimi. /CNA





Lajmet e fundit nga