web counter
LEXO PA REKLAMA!

SHKARKO APP

App Store
Google Play

E fundit!

x

Meloni: E kemi ndryshuar imazhin e Italisë, nga dele e zezë në model për t'u ndjekur

10 Nëntor 2025, 21:35, Kosova & Bota CNA

Meloni: E kemi ndryshuar imazhin e Italisë, nga dele e zezë në

Kryeministrja italiane, Giorgia Meloni ka marrë pjesë në një tubim fushate në Bari përpara zgjedhjeve lokale rajonale që pritet të mbahen pas dy javësh.

Meloni tha se qeveria e saj, pjesë e atyre me mandatin më të gjatë, e ka ndryshuar imazhin e Italisë në Evropë nga dele e zezë në model për t'u ndjekur.

“Më kujtohet se si thanë se nuk do të ishim kurrë në gjendje ta qeverisnim kombin, ose se do të zgjasim më pak se gjashtë muaj. Sot jemi qeveria e tretë me mandatin më të gjatë në Itali nga 68 të tilla. Dhe tre ditë më parë, Financial Times shkroi se Evropa duhet të mësojë nga vendi ynë", tha Meloni.

Kryeministrja italiane theksoi se synon të shërbejë deri në mandatin pesëvjeçar të Parlamentit aktual dhe se më pas do të jenë qytetarët që do të gjykojnë punën e saj.

“Vetëm italianët kanë të drejtë ta dërgojnë Melonin në shtëpi. Është diçka me të cilën e majta nuk është mësuar, është demokracia”, tha ajo ndër të tjera. /CNA





Lajmet e fundit nga