web counter
LEXO PA REKLAMA!

SHKARKO APP

App Store
Google Play

La sot qelinë e burgut/ Sarkozy: Do të punoj për të vërtetuar pafajësinë time

10 Nëntor 2025, 19:14, Kosova & Bota CNA

La sot qelinë e burgut/ Sarkozy: Do të punoj për të

Ish-presidenti francez, Nicolas Sarkozy ka bërë reagimin e tij të parë pas lirimit nga qelia e burgut. Sarkozy, i cili i cilësoi tre javët e kaluara në burg si një makth, do ta vuajë pjesën tjetër të dënimit jashtë në pritje të apelit.

Në reagimin e tij, ai është shprehur se do të punojë për të vërtetuar pafajësinë, ndërsa ka apeluar dënimin për konspiracion kriminal mbi një skemë për të përfituar fonde të fushatës zgjedhore nga Libia.

“Ligji është zbatuar. Tani do të përgatitem për një apel. Energjia ime është përqendruar vetëm në vërtetimin e pafajësisë. E vërteta do të triumfojë”, shkroi Sarkozy në rrjetet e tij sociale pas lirimit.

Sarkozi u burgos më 21 tetor, pasi një gjykatë e Parisit e dënoi me pesë vjet burg për konspiracion kriminal mbi një skemë për të marrë fonde të fushatës zgjedhore për garën e tij presidenciale të vitit 2007 nga regjimi i diktatorit libian Muamar Gadafi.

Ndërkohë sot një gjykatë apeli në Paris miratoi kërkesën e tij për lirim. Sipas kushteve të caktuara nga gjykata, atij do t'i ndalohet të flasë me zyrtarë të ministrisë së drejtësisë, përfshirë ministrin e drejtësisë, Gerald Darmanin. Gjithashtu do t’i ndalohet të largohet nga Franca. /CNA





Lajmet e fundit nga