web counter
LEXO PA REKLAMA!

SHKARKO APP

App Store
Google Play

E fundit!

x

Raundi i dytë i zgjedhjeve lokale/ Kurti: Rezultati është një sukses për LVV

9 Nëntor 2025, 21:58, Kosova & Bota CNA

Raundi i dytë i zgjedhjeve lokale/ Kurti: Rezultati është

Kryeministri në detyrë i Kosovës, njëkohësisht kreu i LVV-së, Albin Kurti ka folur për mediat jashtë selisë së partisë së tij për zgjedhjet në Kosovë. Kurti e ka cilësuar si sukses rezultatin e LVV, por shton se synimi ishte edhe më shuumë se kaq.

"Së pari më lejoni t’i falënderoj të gjithë qytetarët që e shfrytëzuan të drejtën për të zgjedhur në mënyrë demokratike kryetarët e komunave në 18 sosh në këtë raund të dytë. Lëvizja Vetëvendosje është hera e katërt që merr pjesë në zgjedhje lokale. Herën e parë në vitin 2013 kemi fituar një komunë, herën e dytë në vitin 2017 kemi fituar 3 komuna, herën e tretë në vitin 2021 kemi fituar 4 komuna dhe në bazë të të dhënave që i kemi marrë nga komisionerët tanë kësaj radhe kemi fituar në 7 komuna. Ky është një sukses i LVV-së. Natyrisht se kemi synuar edhe më shumë se kaq", tha Kurti. 

Ndër të tjera Kurti tha se në këto zgjedhje të gjitha forcat e tjera politike ishin bashkuar kundër LVV-së. Ai njoftoi se nga selia e LVV-se do t’ju bashkohej tubimeve festive në Fushë Kosovë, Kastritot dhe Mitrovicë.

"Përveç kësaj është e qartë se kemi fituar edhe në Mitrovicë dhe kemi fituar edhe në Fushë Kosovë e Obiliq. I falënderoj kandidatët tanë, ekipet e tyre, shtabet zgjedhore dhe aktivistët tanë të cilët kanë pasur një betejë të jashtëzakonshme meqenëse në të gjitha këto raste të gjithët të tjerët janë bashkuar kundër LVV-së. Pra, LVV është ballafaquar me të përbashkëtën e tyre, e cila është një situatë e paprecedentë në situatën politike të Kosovës, andaj ky është një sukses i Vetëvendosjes dhe i qytetarëve. Po i presim rezultatet ende nga komunat e tjera. Me siguri që do t’u drejtohemi sërish kur t’i marrim ato, por tash më duhet të shkoj me nxitim në tubimin festiv së pari në Fushë Kosovë, pastaj në Kastriot, e mandej natyrisht në Mitrovicë", u shpreh ai. /CNA





Lajmet e fundit nga