web counter
LEXO PA REKLAMA!

SHKARKO APP

App Store
Google Play

Shefi i NATO-s, Rutte: Një luftë bërthamore nuk mund të fitohet kurrë dhe nuk duhet të fillojë kurrë

8 Nëntor 2025, 21:13, Kosova & Bota CNA

Shefi i NATO-s, Rutte: Një luftë bërthamore nuk mund të

Sekretari i Përgjithshëm i NATO-s, Mark Rutte ka kritikuar Rusinë, për atë që e përshkroi si retorikë bërthamore të rrezikshme dhe të pamatur. 

Në një intervistë me 'Welt am Sonntag' të botuar të shtunën, Rutte i siguroi qytetarët e vendeve të aleancës se nuk ka shkak të menjëhershëm për alarm.

"Kur Rusia përdor retorikë bërthamore të rrezikshme dhe të papërgjegjshme, qytetarët tanë duhet të dinë se nuk ka arsye për panik, sepse NATO zotëron një pengesë të fortë bërthamore",-tha Rutte. 

Ai theksoi rëndësinë e diskutimeve publike brenda vendeve të NATO-s në lidhje me pengesën bërthamore, duke shtuar se kjo i ndihmon shoqëritë të kuptojnë se si kontribuon në sigurinë përbashkët.

"Dhe Putin duhet ta dijë se një luftë bërthamore nuk mund të fitohet kurrë dhe nuk duhet të fillojë kurrë",-tha Rutte. 

Komentet vijnë pas ushtrimeve të fundit ruse që përfshijnë forcat e saj strategjike bërthamore në tetor, të kryera së bashku me stërvitjet vjetore bërthamore të NATO-s në Europë.

Që kur Rusia nisi një pushtim në shkallë të plotë të Ukrainës në vitin 2022, presidenti Vladimir Putin, e ka paralajmëruar vazhdimisht Perëndimin për pasojat e mundshme bërthamore.

Nga 32 shtetet anëtare të NATO-s, tre janë fuqi bërthamore: Shtetet e Bashkuara, Franca dhe Mbretëria e Bashkuar./CNA 





Lajmet e fundit nga