web counter
LEXO PA REKLAMA!

SHKARKO APP

App Store
Google Play

E fundit!

x

Dyshohet si i përfshirë në rastin e korrupsionit në sektorin energjetik/ Miku i Zelensky-t largohet nga Ukraina

11 Nëntor 2025, 16:45, Kosova & Bota CNA

Dyshohet si i përfshirë në rastin e korrupsionit në sektorin

Hetimi nga Byroja Kombëtare Kundër Korrupsionit në Ukrainë (NABU) ndaj Timur Mindich, një bashkëpunëtor i ngushtë i Volodymyr Zelensky, për një çështje korrupsioni prej 100 milionë dollarësh në sektorin e energjisë po shkakton trazira në Ukrainë.

Çështja ka provokuar gjithashtu reagime në opozitë, me partinë e Petro Poroshenkos që bëri thirrje që qeveria të japë dorëheqjen. NABU kreu një seri bastisjesh në shtëpinë dhe zyrat e Midych, një ish-partner biznesi i Volodymyr Zelensky. Megjithatë, ai iku nga vendi pak para se të fillonin hetimet më 10 nëntor.

Shtatë persona janë përfshirë tashmë në këtë rast që ka të bëjë me kompaninë shtetërore të energjisë bërthamore Energoatom, e cila dyshohet se është e përfshirë në një sistem rryshfetesh prej 10-15% nga kontraktorët. Kjo është hera e dytë që presidenti Zelensky është implikuar politikisht në raste korrupsioni. 

Mindich është bashkëpronar i Kvartal 95, kompanisë së prodhimit që Zelensky themeloi kur ishte një komedian i njohur dhe mbetet nën hetim për rolin e tij në kontratat shtetërore të energjisë dhe kompanitë e prodhimit të dronëve.

Pasi Zelensky erdhi në pushtet, Midinch thuhet se fitoi ndikim në sektorët e energjisë dhe mbrojtjes, dhe mediat ukrainase e kanë përshkruar atë si një oligark de facto me zotërime të mëdha në mbrojtje dhe energji. 

NABU pretendon se disa zyrtarë morën kontrollin e kompanive shtetërore të energjisë dhe krijuan një skemë ryshfeti prej 100 milionë dollarësh që përfshinte Energoatom, kompaninë shtetërore të energjisë bërthamore që prodhon më shumë se 50 përqind të energjisë elektrike të Ukrainës.

Sipas agjencisë, një "organizatë kriminale e nivelit të lartë" orkestroi skemën, e udhëhequr nga një biznesmen dhe që përfshinte një ish-këshilltar të ministrit të energjisë, shefin e sigurisë së Energoatom dhe katër punonjës të tjerë.

Në një fjalim të tij, Zelensky u distancua nga Midinch dhe të dyshuarit e tjerë, duke lavdëruar punën e Zyrës, por duke shmangur përmendjen e emrave. /CNA





Lajmet e fundit nga