web counter
LEXO PA REKLAMA!

SHKARKO APP

App Store
Google Play

E fundit!

x

Terrori në Vorizia të Kretës/ Shkollat e fshatit pezullojnë mësimin për dy ditë

1 Nëntor 2025, 19:07, Kosova & Bota CNA

Terrori në Vorizia të Kretës/ Shkollat e fshatit pezullojnë

Shkollat në fshatin Vorizia të Kretëskanë pezulluar mësimin për dy ditë rresht, konkretisht 3 dhe 4 nëntor.  Sipas raportimeve të mediave greke, vendimi u mor për sigurinë e nxënësve dhe stafit mësimdhënës.

Kujtojmë se të paktën dy persona kanë vdekur dhe 6 të tjerë janë plagosur, pas të shtënave masive me armë zjarri që erdhën nga konflikti mes dy familjeve që ishin në gjakmarrje.

Më konkretisht referuar mediave greke, Fanourios Kargakis, u takua në hyrje të fshatit me një burrë nga familja tjetër dhe kushëririn e tij. Burri i parë humbi jetën nga të shtënat dhe dy të tjerët janë plagosur, ndërsa pritet të arrestohen.

Një grua 57-vjeçare, e cila ishte anëtare e familjes së dytë, gjithashtu humbi jetën, pasi pësoi një atak në zemër. Katër persona të tjerë u plagosën nga të shtënat, ndërsa njëri prej të plagosurve nuk ka asnjë lidhje me familjet.

Forcat e policisë kanë blinduar fshatin ndërsa grupet hetimore po punojnë për zbardhjen e plotë të rrethanave të ngjarjes. Sipas informacioneve fillestare, autorët e të shtënave ishin tre. /CNA





Lajmet e fundit nga