web counter
LEXO PA REKLAMA!

SHKARKO APP

App Store
Google Play

E fundit!

x

Terror në Kretë/ Sulm me armë mes dy familjeve, disa viktima dhe të plagosur

1 Nëntor 2025, 15:14, Kosova & Bota CNA

Terror në Kretë/ Sulm me armë mes dy familjeve, disa viktima dhe

Terror në Heraklion, në Kretë. Mediat greke kanë raportuar për një sulm me armë ku kanë mbetur disa viktima dhe disa të plagosur. Numri nuk është ende i qartë, ka disa variante të raportimit të ngjarjes nga mediat.

Sipas informacioneve fillestare, një grup ka sulmuar duke djegur shtëpi dhe makina, në shenjë hakmarrjeje pas shpërthimit të një bombe në një banesë, raporton agjencia e lajmeve "Tanea".

Ministria e Mbrojtjes së Qytetarëve ka dhënë alarmin, pasi ky është sulmi më i rëndë në vitet e fundit në Kretë. Policia po kryen hetime të gjera për të identifikuar autorët, ndërsa forca të forta mbeten në zonë.

Kreu i Policisë Helenike, Dimitris Mallios, kreu i Drejtorisë për Luftimin e Krimit të Organizuar dhe njësitë speciale të Policisë Helenike, përfshirë EKAM-in e Kretës, ndodhen në ishull.

Sipas vlerësimeve fillestare, sulmi lidhet me një armiqësi të gjatë midis dy familjeve.

Gjithçka duket se ka filluar pasi një bombë shpërtheu në një shtëpi në Heraklion të premten në mbrëmje. Anëtarët e familjes që zotëronin shtëpinë dyshohet se morën armët dhe sulmuan të afërmit e palës kundërshtare. Policia e ka bllokuar plotësisht fshatin, ndërsa bëhet apel që të plagosurit të transferohen në spitale të ndryshme, me qëllim që të shmanget takimi i dy familjeve. Disa të plagosur janë transportuar tashmë në PAGNI dhe Venizeli, nën masa të rrepta policore.

Situata përshkruhet si kritike dhe autoritetet kanë frikë nga një përshkallëzim i sulmit brenda orëve të ardhshme./ CNA





Lajmet e fundit nga