web counter
LEXO PA REKLAMA!

SHKARKO APP

App Store
Google Play

E fundit!

x

Telefonatë Trump-Zelensky/ Bisedime për mbrojtjen ajrore të Ukrainës

4 Korrik 2025, 17:53, Kosova & Bota CNA

Telefonatë Trump-Zelensky/ Bisedime për mbrojtjen ajrore të

Presidenti i SHBA-së Donald Trump dhe presidenti ukrainas Volodymyr Zelensky zhvilluan një bisedë telefonike këtë të premte, duke rënë dakord të forcojnë mbrojtjen ajrore të Ukrainës.

Telefonata erdhi ndërsa Rusia përshkallëzoi fushatën e saj ajrore në të gjithë Ukrainën, duke përfshirë një sulm gjatë natës së 4 korrikut që goditi Kievin dhe disa rajone të tjera, duke plagosur të paktën 23 civilë dhe duke shkaktuar dhjetëra zjarre në kryeqytet.

“Sot diskutuam situatën, sulmet ajrore ruse dhe, më gjerësisht, situatën në vijat e frontit. Presidenti Trump është shumë i informuar. Diskutuam opsionet e mbrojtjes ajrore dhe ramë dakord të punojmë për rritjen e mbrojtjes së hapësirës ajrore. Ramë dakord për një takim midis ekipeve tona”,- tha Zelensky.

Zelensky tha se të dy udhëheqësit diskutuan gjithashtu potencialin e industrisë mbrojtëse të Ukrainës dhe shqyrtuan mundësitë për bashkëpunim të drejtpërdrejtë me partnerët amerikanë.

Ky bisedë pasoi një telefonatë midis Trump dhe presidentit rus Vladimir Putin më 3 korrik, gjatë së cilës Kremlini tha se Putin riafirmoi se Rusia do të vazhdojë të ndjekë qëllimet e saj në luftën e saj kundër Ukrainës, pavarësisht thirrjeve të SHBA-së për armëpushim./CNA





Lajmet e fundit nga