web counter
LEXO PA REKLAMA!

SHKARKO APP

App Store
Google Play

E fundit!

x

Takimi i LDK-së në Podujevë/ Abdixhiku: Kosova është në udhëkryqin më të madh politik

7 Shkurt 2025, 21:53, Kosova & Bota CNA

Takimi i LDK-së në Podujevë/ Abdixhiku: Kosova është

Kryetari i Lidhjes Demokratike të Kosovës dhe kandidati në zgjedhjet e 9 shkurtit, Lumir Abdixhiku tha sot se Kosova sot është në udhëkryqin më të madh politik e ekzistencial, për shkak të kësaj qeverie.

Vetëm dy ditë para zgjedhjeve, në takimin përmbyllës në Podujevë, Abdixhiku u bëri thirrje qytetarëve të kuptojnë rëndësinë e zgjedhjes së tyre, pasi ato do të ndikojnë jo vetëm në zgjedhjen e Kryeministrit, por edhe në të ardhmen e Kosovës, si një shtet në zhvillim dhe pjesë e proceseve globale.

“Republika jonë, sot është në udhëkryqin më të madh politik e ekzistencial, që prej themelimit të saj si shtet i pavarur e sovran, për shkak tëaventurave politike të kësaj qeverie. Dhe në këtë udhëkryq, prej ku duhet të definohet ardhmja jonë, pra rruga e re, ju qytetarë të Podujevës, duhet ta kuptoni peshën e zgjedhjes që keni në duar tuaja. Sepse, këto zgjedhje, nuk bëhen vetëm për të përcaktuar një Kryeministër të ardhshëm të Kosovës, por, para së gjithash, bëhen për të përcaktuar të ardhmen e Kosovës. Si një shtet në zhvillim, me njerëz që bëjnë jetën këtu, si një shtet të hapur në procesin e rrjedhave botërore, dhe jo si një vend i zymtë, i propagandës, përçarjes, mbylljes e sanksioneve, ekonomike e politike.

“Në Republikën tonë, ne ecim si një vend normal, me punë, zhvillim e qetësi. Ecim me dinjitet e me plot krenari. Do ta përfundojmë autostradën e stërvonur, do të ndërtojmë çerdhe gjithandej në Llap. Bizneseve në Llap do t’u japim zonën për biznese”, - u shpreh Abdixhiku. /CNA





Lajmet e fundit nga