web counter
LEXO PA REKLAMA!

SHKARKO APP

App Store
Google Play

Samiti në Londër/ Merz: Nevojë urgjente për përparim të dialogut Prishtinë-Beograd

22 Tetor 2025, 20:57, Kosova & Bota CNA

Samiti në Londër/ Merz: Nevojë urgjente për përparim

Kancelari gjerman Friedrich Merz në samitin e Ballkanit Perëndimor në Londër ka deklaruar se është një nevojë urgjente për përparim të dialogut Prishtinë-Beograd.

“Ne kemi nevojë urgjente për të parë përparim në procesin e normalizimit midis Prishtinës dhe Beogradit. Ne kemi nevojë për zbatimin besnik dhe të plotë të marrëveshjeve që ju keni arritur tashmë. Rreth kësaj tryeze do të gjeni vende të gatshme për të mbështetur, përfshirë vendin tim, Gjermaninë, por ne kemi nevojë për angazhimin tuaj.

Jam i kënaqur që kemi rënë dakord edhe për një qëndrim të përbashkët mbi pajtimin dhe marrëdhëniet e fqinjësisë së mirë. Megjithatë, tani duhet t’i japim jetë kësaj, sepse e ardhmja e gjashtë vendeve të Ballkanit Perëndimor është në Bashkimin Evropian dhe sot është konfirmuar edhe një herë se Procesi i Berlinit po iu ndihmon të përparoni në këtë rrugë.

Sa kohë do të duhet për të arritur atje është në duart e vetë secilit vend. Reformat në këto vende janë çelësi i kësaj. Si Bashkim Evropian, ne nuk mund dhe nuk do të bëjmë asnjë lëshim këtu. Përveç kësaj, kjo nuk do të ishte në interes të së ardhmes së vendeve kandidate.”, shtoi ai./ CNA





Lajmet e fundit nga