web counter
LEXO PA REKLAMA!

SHKARKO APP

App Store
Google Play

E fundit!

x

Politologia Morina: Dialogu, pengesë për integrimin në BE

17 Shkurt 2024, 17:32, Kosova & Bota CNA
Politologia Morina: Dialogu, pengesë për integrimin në BE
Politologia Engjellueshe Morina

Në përvjetorin e 16-të të Pavarësisë së Kosovës në Podcastin e tij Publik Square, Ditmir Bushati bisedon me Engjellueshe Morina, politologe në ECFR (European Council on Foreign Relations). Disa nga temat më të rëndësishme në të cilën u ndalen gjatë bisedës së tyre Bushati dhe Morina kishin të bënin me sfidat, arritjet dhe vështirësitë që ka kaluar Kosova dhe populli i saj por edhe bashkëpunimit dhe bashkëveprimit me aleatët tanë strategjikë.

Duke folur për rrugëtimin e Kosovës në këto 16 vite, Bushati dhe Morina ndanë mendimin se janë bërë shumë përparime, por ka ende probleme të shumta. Sipas ish-ministrit për Evropën dhe Punët e Jashtme nga momenti i nisjes së dialogut nuk kemi një raport të drejtë ndërmjet numrit të njohjeve dhe procesit të dialogut. Politologia shton se dialogu me Serbinë është një pengesë për integrimin e Kosovës në BE, pasi vendet e unionit që ende nuk e njohin shtetin e Kosovës, presin të ketë një marrëveshje.

Të dy bashkëbiseduesit u ndalen edhe tek zhvillimet ndërkombëtare në fushën e sigurisë të cilat janë reflektuar vecanërisht në marrëdhënie me Serbinë në kurriz të Kosovës.

“Personalisht kam menduar se pas pushtimit të Ukrainës nga ana e Rusisë së Vladimir Putinit, më 24 shkurt 2022, BE-ja do ndryshonte qasje në mënyrë radikale edhe ndaj Ballkanit Perëndimor. Pra, do mbyllte konfliktet ende të papërfunduara ose çështjet e shtetësisë në mënyrë që t’i rezistonte agresionit në lindje të kontinentit. Kjo tezë ra, pavarësisht se të gjithë mendonim se po jetonim një realitet të ri, sepse BE-ja u përqëndrua në lindje të kontinentit, duke mbështetur disi status-quo në rajonin tone”, tha Bushati.

Ndërsa Morina thotë se në situatën gjeopolitike në të cilën gjendet Europa, Lindja e Mesme, pyetja do duhet të jetë se sa vëmendje merr Kosova në një të ardhme të afërt, nëse problem i sigurisë nuk adresohet dhe në fakt përkeqësohet dhe më tutje?  Unë, vijon ajo, nuk e kisha përjashtuar.

Sa i përket marrëdhënieve me aleatët strategjikë, Morina thekson se fatkeqësisht qasja e tyre në raport me Serbinë ka ndryshuar, duke e parë këtë të fundit si një shtet i rëndësisë strategjike në Ballkanin Perëndimor dhe si një shtet partner që kishte me reduktu influencën e Rusisë në Ballkan, premisa këto që sipas politologes janë shumë gabim.

Sipas saj, qeveria Kurti ka një vizion ndryshe nga qeveritë e mëparshme, duke qenë më këmbëngulëse për të drejtat që pretendon, duke i bërë ballë presioneve.

Morina shtoi se Kosova shënon rritje pozitive në disa raporte sidomos në normat e demokracisë, respektimin e të drejtave të njeriut dhe po ashtu ka rritje ekonomike, por “jo aq sa duhet që Kosova të ecë përpara”./ CNA





Lajmet e fundit nga