web counter
LEXO PA REKLAMA!

SHKARKO APP

App Store
Google Play

Parlamenti francez miraton projektligjin për vdekjen e asistuar

27 Maj 2025, 21:02, Kosova & Bota CNA

Parlamenti francez miraton projektligjin për vdekjen e asistuar

Parlamenti në Francë ka miratuar një projektligj për vdekjen e asistuar, i cili u miratua me 305 vota pro dhe 199 kundër.

Dhoma ishte e ndarë, midis të majtës dhe "bllokut qendror", të cilët ishin kryesisht në favor të projektligjit, dhe të djathtës ekstreme, të cilët ishin kundër.

Deputetët miratuan gjithashtu projektligjin për kujdesin paliativ dhe mbështetës, këtë herë unanimisht, me 560 vota pro.

Emmanuel Macron vlerësoi miratimin e dy projekligjeve të rëndësishme.

E lançuar në vitin 2022 nga Presidenti i Republikës, projektligji mbi vdekjen e asistuar mund të jetë më i rëndësishmi në fushën shoqërore.

Të dy projekligjet do të shkojnë tashmë në  në Senat, me një shqyrtim a priori "në vjeshtë".

Projektligji parashikon që një ekip mjekësor të vlerësojë nëse një pacient mund të përdorë një substancë vdekjeprurëse, nëse ka shprehur vullnetin e qartë për ta bërë këtë. Substanca mund të merret nga vetë pacienti ose të administrohet nga një mjek apo infermier nëse pacienti nuk është në gjendje fizike ta bëjë vetë.

Kriteret janë të rrepta: pacienti duhet të jetë mbi 18 vjeç, të ketë shtetësi ose leje qëndrimi franceze dhe të vuajë nga një sëmundje e pashërueshme, e rëndë dhe në fazë të avancuar, që shkakton vuajtje të padurueshme dhe nuk ka zgjidhje mjekësore. Ai gjithashtu duhet të jetë në gjendje të shprehë vullnetin e tij në mënyrë të vetëdijshme dhe të informuar.

Debati rreth këtij ligji ka qenë i nxehtë, sidomos në një vend me traditë katolike si Franca. Megjithatë, shumica e popullsisë mbështet të drejtën për vdekjen e asistuar./ CNA





Lajmet e fundit nga