web counter
LEXO PA REKLAMA!

SHKARKO APP

App Store
Google Play

E fundit!

x

Paralajmërimi i Erdogan/ Kush vendos zjarre qëllimisht dënohet me vdekje

25 Qershor 2022, 20:25, Kosova & Bota CNA
Paralajmërimi i Erdogan/ Kush vendos zjarre qëllimisht dënohet me
Presidenti Rexhep Tajip Erdogan

Situata me zjarret në zonat turistike të Turqisë vijon të jetë problematike prej tri ditësh.

Ashtu si një vit më parë, një zjarr gjigant vijon të shkaktojë dëme dhe panik te pushuesit dhe banorët në zonën bregdetare të Marmaris.

Presidenti Rexhep Tajip Erdogan bëri një vizitë në zonat e prekura nga flakët, ku zjarrfikësit po punojnë ditë e natë dhe kërcënoi se ata që do të ndiznin qëllimisht zjarret do të dënoheshin me vdekje.

Autoritetet kanë thënë se një i dyshuar i arrestuar në lidhje me zjarrin ka pranuar se e ka shkaktuar atë. Zjarri, në një pyll pranë vendpushimit të Marmaris, është vënë nën kontroll, thanë autoritetet të shtunën.

Pas vizitës së vendit të ngjarjes të premten, Erdogan tha se dënimi për djegien e pyjeve duhet të jetë “frikësues, dhe ai është një dënim me vdekje”.

Zjarri i parë i madh i verës në vend filloi të martën dhe ngjalli kujtime të zjarreve të vitit të kaluar që shkatërruan 140,000 hektarë fshatra, më e keqja në histori.

Ministri i Brendshëm, Suleyman Soylu, tha të enjten se i dyshuari i arrestuar kishte pranuar se kishte djegur pyllin nga frustrimi për shkak të çështjeve familjare.

Zyrtarët lokalë i thanë agjencisë së lajmeve "Reuters" ditëve të fundit se autoriteteve u mungonin pajisjet dhe personeli i nevojshëm për një verë tjetër me zjarre./CNA.al





Lajmet e fundit nga