Fotogaleri-Miliarderë, batuta dhe stil/ Brenda darkës madhështore në Shtëpinë e Bardhë

29 Prill 2026, 08:28, Kosova & Bota CNA

Fotogaleri-Miliarderë, batuta dhe stil/ Brenda darkës madhështore

Shtëpia e Bardhë u shndërrua në një skenë elegance dhe simbolike diplomatike gjatë darkës shtetërore të organizuar nga Donald Trump dhe Melania Trump në nder të Mbretit Charles III dhe Mbretëreshës Camilla.

Atmosfera e mbrëmjes u dominua nga nuancat e rozës dhe dekori i frymëzuar nga kopshtet angleze, me lule qershie dhe elemente pranverore që krijonin një ambient ceremonial.

Gjatë darkës, presidenti amerikan dhe monarku britanik shkëmbyen dolli, duke theksuar marrëdhëniet e forta dhe historinë e përbashkët mes Shteteve të Bashkuara dhe Mbretërisë së Bashkuar.

Fotogaleri-Miliarderë, batuta dhe stil/ Brenda darkës madhështore

Në fjalimin e tij, Trump e cilësoi këtë lidhje si një nga miqësitë më të veçanta në botë, ndërsa ngriti dolli për 250-vjetorin e pavarësisë amerikane dhe për Mbretin Charles, të cilin e përshkroi si një lider të respektuar. Nga ana tjetër, monarku britanik solli edhe nota humori, duke e quajtur darkën një përmirësim të dukshëm krahasuar me Partinë e Çajit në Boston, ndërsa i dhuroi presidentit një kambanë simbolike nga një nëndetëse historike britanike.

Menuja e mbrëmjes ishte po aq e rafinuar sa edhe dekori, duke përfshirë pjata të përgatitura me përbërës nga kopshti i Shtëpisë së Bardhë dhe një ëmbëlsirë të veçantë me çokollatë në formë koshereje. Organizimi i darkës u drejtua nga zonja e parë, e cila u kujdes edhe për detajet estetike dhe protokollare.

Fotogaleri-Miliarderë, batuta dhe stil/ Brenda darkës madhështore

Lista e të ftuarve përfshinte mbi 100 personalitete nga politika, biznesi dhe media. Ndër ta ishin figura të njohura si Jeff Bezos, Tim Cook dhe stilisti Ralph Lauren, si dhe gjyqtarë të Gjykata e Lartë e SHBA-së.

Kodi i veshjes ishte “ëhite tie”, më formali për ngjarje të tilla. Melania Trump u shfaq me një fustan rozë të zbehtë nga Christian Dior, ndërsa Mbretëresha Camilla zgjodhi një krijim elegant rozë të ndezur, të shoqëruar me bizhuteri historike.

Fotogaleri-Miliarderë, batuta dhe stil/ Brenda darkës madhështore

Darka shtetërore u interpretua si një moment i rëndësishëm diplomatik dhe simbolik, që nënvizoi vazhdimësinë e aleancës mes dy vendeve dhe rëndësinë e marrëdhënieve të tyre në skenën globale./ CNA