web counter
LEXO PA REKLAMA!

SHKARKO APP

App Store
Google Play

Mesha e parë/ Mesazhi i Papa Leonit: E di se mund të mbështetem te secili prej jush që të ecni me mua

9 Maj 2025, 13:59, Kosova & Bota CNA

Mesha e parë/ Mesazhi i Papa Leonit: E di se mund të mbështetem

Papa Leoni i XIV ka mbajtur ditën e sotme meshën e parë pas zgjedhjet së tij në fronin papal.

Gjatë fjalës së tij, Papa Leoni iu drejtua kardinalëve, ku iu tha se e di që mund të mbështetet te secili prej tyre për të vazhduar si një komunitet miqsh, si besimtarë.

“Ju më keni thirrur që të mbaj atë kryq dhe të përmbush atë mision, dhe e di se mund të mbështetem te secili prej jush që të ecni me mua, ndërsa vazhdojmë si Kishë, si një komunitet miqsh të Jezusit, si besimtarë, për të shpallur lajmin e mirë, për të shpallur Ungjillin”, tha në mesazhin e tij Ati i Shenjtë.

 

Mesha u mbajt sot në orën 11:00 në Kapelën Sistine, në Vatikan, ku u mbajt dhe Konklava për zgjedhjen e Papës.

Të dielën në mesditë, nga Lozha qendrore e Bazilikës së Shën Pjetrit, ai do të thotë lutjen e parë të Mbretëreshës Qiellore si Papë.

Ndërsa të hënën, më 12 maj, në orën 10:00, në Sallën Pali VI, do të takohet me të gjithë gazetarët e punonjësit e mediave, që këto ditë e ndoqën me vëmendje Konklavën e ngjarjet e tjera, që nga shuarja e Papa Françeskut./ CNA





Lajmet e fundit nga