web counter
LEXO PA REKLAMA!

SHKARKO APP

App Store
Google Play

E fundit!

x

Ligji "historik" i Mbretërisë së Bashkuar/ Të lindurit pas 2008-ës nuk do të blejnë kurrë produkte duhani

22 Prill 2026, 16:19, Kosova & Bota CNA

Ligji "historik" i Mbretërisë së Bashkuar/ Të

Mbretëria e Bashkuar duket e vendosur të ndryshojë rrënjësisht situatën e pirjes së duhanit dhe po planifikon të zbatojë një nga masat më të rrepta kundër pirjes së duhanit deri më sot, duke synuar të krijojë një "brez pa cigare".

Sipas Projektligjit të ri për Duhanin dhe Cigaret Elektronike, ata që kanë lindur pas 1 janarit 2009, nuk do të jenë kurrë në gjendje të blejnë ligjërisht produkte duhani.

Rregullorja, e cila u miratua nga parlamenti dhe pritet të hyjë në fuqi sapo të marrë miratimin mbretëror, synon të eliminojë gradualisht pirjen e duhanit dhe lejon kontrolle më të rrepta mbi nikotinën dhe produktet e cigareve elektronike. Fëmijët deri në moshën 17 vjeç do të përballen me një ndalim të përjetshëm për blerjen e cigareve. 

Dhoma e Komunave dhe Lordët kanë finalizuar tekstin e legjislacionit "historik", i cili synon të parandalojë ata që kanë lindur pas 1 janarit 2009 të fillojnë pirjen e duhanit duke e bërë të paligjshme shitjen e produkteve të duhanit për ta dhe duke krijuar gradualisht një brez pa cigare.

Masa vjen në përgjigje të ndikimeve serioze të pirjes së duhanit në shëndetin publik. Vetëm në Angli, pirja e duhanit lidhet me rreth 400,000 shtrime në spital dhe 64,000 vdekje çdo vit.

Ndërkohë kufizimet për përdorimin e cigareve elektronike gjithashtu po zgjeron, pasi: është i ndaluar në makina me fëmijë, në kënde lojërash dhe jashtë shkollave. Megjithatë, mbetet i lejuar në hapësira private ose të hapura, siç janë plazhet dhe oborret. Qeveria thotë se kjo është një reformë historike që do të zvogëlojë në mënyrë drastike varësinë nga nikotina dhe do të lehtësojë presionin mbi sistemin shëndetësor. /CNA





Lajmet e fundit nga