web counter
LEXO PA REKLAMA!

SHKARKO APP

App Store
Google Play

Arrestohet i dyshuari për vrasjen e trefishtë në Podgoricë

21 Prill 2026, 21:22, Kosova & Bota CNA

Arrestohet i dyshuari për vrasjen e trefishtë në Podgoricë

Policia në Podgoricë ka arrestuar të dyshuarin kryesor për vrasjen e trefishtë që tronditi qytetin, Vehad Muri? (25 vjeç), nga Rozhaja.

Sipas njoftimit zyrtar, arrestimi u realizua pas një operacioni të gjerë policor të zhvilluar në veri dhe në qendër të vendit.

I riu u lokalizua dhe u vu në pranga në një zonë të hapur në qendër të Rozhajës, pas një sërë veprimesh operative dhe taktike nga strukturat e sigurisë.

Muri? dyshohet se një natë më parë, në lagjen Stari Aerodrom të Podgoricës, ka vrarë me armë të ftohtë tre persona: vëllezërit Denis Hot dhe Nezrin Hot, si dhe Kenan Miraljemovi?, shtetas i Serbisë nga Novi Pazari.

Autoritetet bëjnë të ditur se ndaj tij rëndon akuza për “vrasje të rëndë”, ndërsa pritet që ai të dërgohet në Prokurorinë e Lartë të Shtetit në Podgoricë, së bashku me kallëzimin penal.

Policia thekson se në këtë fazë të hetimeve janë mbledhur prova të mjaftueshme që e identifikojnë Muri? si autor të drejtpërdrejtë të krimit, ndërsa hetimet vijojnë për zbardhjen e plotë të rrethanave të ngjarjes./ CNA





Lajmet e fundit nga