web counter
LEXO PA REKLAMA!

SHKARKO APP

App Store
Google Play

E fundit!

x

Kush është Giorgia Meloni, kryeministrja e ardhshme e Italisë

26 Shtator 2022, 12:01, Kosova & Bota CNA
Kush është Giorgia Meloni, kryeministrja e ardhshme e Italisë
Giorgia Meloni

Pasi qendra e djathtë fitoi zgjedhjet parlamentare në Itali, Giorgia Meloni mund të zgjidhet kryeministrja e parë femër në shtetin fqinj.

Në orët e para të mëngjesit të sotëm, Meloni tha se ishte një natë krenarie për shumë njerëz, ndërsa theksoi se ka ardhur koha e përgjegjësisë për të qeverisur italianët.

Por kush është Giorgia Meloni?

Ajo u pikas me pjesëmarrjen në protestat kundër reformës në arsim si militante e degës rinore e Lëvizjes të Socialiste Italiane në Frontin e Rinisë, kur ishte vetëm 15 vjeç.

Që nga ajo kohë, pra në vitin 1992, Meloni zhvilloi një karrierë të pasur politike.

Në vitet 1998-2002 ajo ishte këshilltare bashkiake e Romës me partinë Aleanca Kombëtare, ndërsa në 2008-n u bashkua me Popullin e Lirisë të Silvio Berlusconit. Pas kësaj, Meloni u emërua si ministre e qeverisë së Berlusconit, por në vitin 2013 ajo u largua nga kjo parti dhe themeloi Vëllezërit e Italisë.

Në zgjedhjet e 2013-ës, partia e saj mori vetëm 3% të mbështetjes, ndërsa një hov pësoi kur në pushtet ishte Conte II.

Asokohe,  Vëllezërit e Italisë u cilësuan si partia më e madhe opozitare. Meloni është e kujdesshme të mos i kalojë vijat e kuqe kur bëhej fjalë për të kundërshtuar sistemet.

Kush është Giorgia Meloni, kryeministrja e ardhshme e Italisë

Gjatë fushatës elektrorale, ajo bëri gjithçka për të bërë të pranueshme partinë, e cila etiketohet gjerësisht si partia "postfashiste".

Partia është organizata pasuese e lëvizjes, MSI, Movimento Sociale Italiano, e krijuar nga ish-funksionarë të diktatorit, Benito Musolini pas fundit të Luftës së Dytë Botërore. Në logon e partisë ndodhet simboi i zjarrit, që të kujton Musolinin dhe është një simbol për ultra të djathtët./ B.A. – CNA.al





Lajmet e fundit nga