web counter
LEXO PA REKLAMA!

SHKARKO APP

App Store
Google Play

Kos: Rrugëtimi i Kosovës drejt BE varet nga dialogu me Serbinë

3 Qershor 2025, 17:35, Kosova & Bota CNA

Kos: Rrugëtimi i Kosovës drejt BE varet nga dialogu me Serbinë

Komisionerja e Bashkimit Evropian për Zgjerim, Marta Kos, ka deklaruar të martën se rruga evropiane e Kosovës varet nga normalizimi i marrëdhënieve me Serbinë dhe jo “përmes veprimeve të njëanshme”.

Gjatë një diskutimi të zhvilluar në Komisionin për Punë të Jashtme të Parlamentit Evropian, Kos ka thënë gjithashtu, se Komisioni është i gatshëm të përgatisë mendimin për aplikimin e Kosovës për anëtarësim në BE, sapo të marrë një kërkesë të tillë nga Këshilli.

Kosova pati aplikuar për anëtarësim në Bashkimin Evropian më 15 dhjetor të vitit 2022, por kërkesa e saj nuk është shqyrtuar ende, dhe si rrjedhojë ajo është vendi i vetëm në Ballkan që ende nuk e ka statusin e vendit kandidat.

Kos ka bërë thirrje edhe për formimin e shpejtë të institucioneve, pas zgjedhjeve parlamentare të 9 shkurtit.

“Një qeveri funksionale dhe një Kuvend janë të domosdoshëm që Kosova të përfitojë nga plani i reformave dhe rritjes”, ka thënë mes tjerash ajo.

Kosova ende nuk ka qeveri të re, si pasojë e moskonstituimit të Kuvendit të Kosovës. Më 2 qershor Kuvendi ka dështuar që të konstituohet për të 25-ën herë./ CNA





Lajmet e fundit nga