web counter
LEXO PA REKLAMA!

SHKARKO APP

App Store
Google Play

E fundit!

x

Kievi raporton për sulmin e tretë masiv rus brenda katër ditëve

29 Gusht 2024, 08:32, Kosova & Bota CNA

Kievi raporton për sulmin e tretë masiv rus brenda katër

Forcat ukrainase për mbrojtje ajrore kanë rrëzuar më shumë se 10 dronë rusë mbi Kiev, në orët e para të 29 gushtit, duke regjistruar kështu sulmin e tretë të madh brenda katër ditëve në kryeqytetin ukrainas.

“Sulmi i tretë ajror në Kiev në katër ditët e fundit! Sulm masiv sërish!”, ka thënë Serhiy Popko, udhëheqës i administratës ushtarake të Kievit, përmes një postimi në "Telegram".

Ai ka thënë se sulmi është kryer prej pjesëve të pushtuara ukrainase në rajonin e Hersonit, dhe rajonit rus, Kursk.

Popko ka thënë se mbetjet e dronëve të rrëzuar kanë nxitur zjarr në disa lokacione, por që është shuar prej zjarrfikësve.

Deri më tani nuk është raportuar për viktima.

Rusia ka intensifikuar sulmet kundër Ukrainës, pas forcat ushtarake ukrainase kanë nisur një inkursion këtë muaj në rajonin kufitar rus, Kursk.

Aktualisht raportohet për luftime të ashpra edhe rreth qytetit lindor ukrainas, Pokrovsk, qytet strategjik për furnizim të ushtrisë ukrainase me armë në linjë të frontit.

Rusia synon kapjen e këtij qyteti për të fituar më shumë kontroll në rajonin lindor ukrainas, Donjeck.

Lufta në Ukrainë ka nisur më 24 shkurt të vitit 2022.

Presidenti rus, Vladimir Putin e quan luftën “operacion special ushtarak” për të çmilitarizuar Ukrainën.

Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.

Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre./REL 





Lajmet e fundit nga