web counter
LEXO PA REKLAMA!

SHKARKO APP

App Store
Google Play

Kërcënimet e Trump për Iranin/ Shefja e Amnesty International: Civilët janë të parët që do e vuajnë

5 Prill 2026, 22:48, Kosova & Bota CNA

Kërcënimet e Trump për Iranin/ Shefja e Amnesty International:

Sekretarja e Përgjithshme e një prej organizatave më të mëdha të mbrojtjes së të drejtave të njeriut në botë, “Amnesty International”, Agnes Callamard ka reaguar lidhur me postimin e presidentit amerikan Donald Trump që kërcënontë Iranin mbi hapjen e Ngushticës së Hormuzit.

Në një postim në “X”, Callamard shprehet se civilët iranianë do të jenë të parët që do të vuajnë nga shkatërrimi i termocentraleve dhe urave.

“Çfarë mesazhi i neveritshëm. Civilët iranianë do të jenë të parët që do të vuajnë nga shkatërrimi i termocentraleve dhe urave: s’do të ketë më energji elektrike, ngrohje apo ujë; nuk do të jenë në gjendje t’i shpëtojnë sulmeve. Krime lufte që mund të shtohen. Ky është Donald Trump, komandanti i përgjithshëm”, thuhet në postimin e saj.

Kjo vjen disa ditë pasi një grup prej më shumë se 100 ekspertësh të së drejtës ndërkombëtare nënshkruan një letër të hapur duke shprehur "shqetësim të thellë" për atë që ata e shohin si shkelje serioze të së drejtës ndërkombëtare nga SHBA-të, Izraeli dhe Irani në luftë.

Shtëpia e Bardhë tha se Trump po e bënte të gjithë rajonin më të sigurt dhe hodhi poshtë ata që i përshkroi si "të ashtuquajtur ekspertë". /CNA





Lajmet e fundit nga